aansuon ko bahne ki lat lag gai hai

kuchh nahīñ dekhte

jin āñkhoñ se vo bah rahe haiñ

vo us vaqt bhiiḌ meñ haiñ yā

sannāTe meñ

kis kis kā vo āñkheñ pīchhā kar rahī haiñ

kyā vo galī kā bachcha

jo jaltī dopahar meñ nañge paañv chal rahā hai

yā vo būḌhe haath jo bhārī cement kī borī

apnī piiTh par lādne kī koshish meñ mubtalā haiñ

kyoñ dekhtī haiñ āñkheñ

ūT-paTāñg manzar

bahut samjhāyā maiñ ne un āñkhoñ ko

lekin haT-dharmī se DaTī huī haiñ

baaz nahīñ ātīñ

apnī is lat se

kuchh nahin dekhte

jin aankhon se wo bah rahe hain

wo us waqt bhiD mein hain ya

sannaTe mein

kis kis ka wo aankhen pichha kar rahi hain

kya wo gali ka bachcha

jo jalti dopahar mein nange panw chal raha hai

ya wo buDhe hath jo bhaari cement ki bori

apni piTh par ladne ki koshish mein mubtala hain

kyon dekhti hain aankhen

uT-paTang manzar

bahut samjhaya main ne un aankhon ko

lekin haT-dharmi se DaTi hui hain

baz nahin aatin

apni is lat se