aao amar ho jaen

har sāl-e-nau ko mil ke

ye rasm hai banā.ī

lekin hai yaad rakhnā

jo saal pichhlā guzrā

jo hādse hue haiñ

jo fāsle hue haiñ

kuchh rābte baḌhe haiñ

kuchh silsile kaTe haiñ

mahfūz pahle kar leñ

mazbūt pahle kar leñ

phir ḳhush-gavār lamhe

ḳhushbū bharī vo bāteñ

sab chāñdnī kī rāteñ

yādoñ kī kahkashā.eñ

kundan sī ātmā.eñ

sab chandrmā se chehre

nikhre hue savere

aashā ke diip bhī hoñ

sochoñ ke siip bhī hoñ

maḳhmūr hoñ ghaTā.eñ

mas.hūr hoñ fazā.eñ

āñchal dhanak se bikhreñ

sāthī na koī bichhḌeñ

bāġh-o-bahār man ho

man meñ yahī lagan ho

aao ki aaj ke din

phir ek baar mil ke tajdīd-e-ahd kar leñ

is des kī zamīñ meñ

ḳhushiyāñ samar lagā.eñ

aao amar ho jaa.eñ

har sal-e-nau ko mil ke

ye rasm hai banai

lekin hai yaad rakhna

jo sal pichhla guzra

jo hadse hue hain

jo fasle hue hain

kuchh rabte baDhe hain

kuchh silsile kaTe hain

mahfuz pahle kar len

mazbut pahle kar len

phir KHush-gawar lamhe

KHushbu bhari wo baaten

sab chandni ki raaten

yaadon ki kahkashaen

kundan si aatmaen

sab chandrma se chehre

nikhre hue sawere

aasha ke dip bhi hon

sochon ke sip bhi hon

maKHmur hon ghaTaen

mashur hon fazaen

aanchal dhanak se bikhren

sathi na koi bichhDen

bagh-o-bahaar man ho

man mein yahi lagan ho

aao ki aaj ke din

phir ek bar mil ke tajdid-e-ahd kar len

is des ki zamin mein

KHushiyan samar lagaen

aao amar ho jaen