aao bachcho hum sab banaen

apnā apnā bhuul calender

jitnā kuchh ham bhuul ga.e haiñ

jo jo ham se bhuul huī hai

vo sab likkheñ

vo bhī jo ham bhūlnā chāhte haiñ

vo bhī jo ham bhuul nahīñ paate haiñ

vo sab chehre jo yādoñ kī bhūl-bhulayyoñ meñ sote haiñ

unheñ jagā deñ

bhuul calender meñ un kī tasvīr lagā deñ

aur rozāna bhuul calender dekh ke nikleñ

us din pichhle baras meñ ham ne kyā boyā thā kyā paayā thā

kyā paane se kyā khoyā thā

kyā khone se kyā paayā thā

mushkil ke kis kis lamhe meñ

kis ne apnā haath chhuḌāyā

aur kaun kitnā kaam aaya thā

bhuul na jaanā bhuul calender

ab rozāna bhuul calender

apna apna bhul calender

jitna kuchh hum bhul gae hain

jo jo hum se bhul hui hai

wo sab likkhen

wo bhi jo hum bhulna chahte hain

wo bhi jo hum bhul nahin pate hain

wo sab chehre jo yaadon ki bhul-bhulayyon mein sote hain

unhen jaga den

bhul calender mein un ki taswir laga den

aur rozana bhul calender dekh ke niklen

us din pichhle baras mein hum ne kya boya tha kya paya tha

kya pane se kya khoya tha

kya khone se kya paya tha

mushkil ke kis kis lamhe mein

kis ne apna hath chhuDaya

aur kaun kitna kaam aaya tha

bhul na jaana bhul calender

ab rozana bhul calender