aao chalen us khanDar mein

jo arsa pahle TuuT gayā

kuchh yādeñ un meñ baaqī haiñ

fariyādeñ bhī kuchh baaqī haiñ

shahnā.ī kā hai koī maddham sur

un dīvāroñ meñ guuñj rahā

aao chaleñ us khañDar meñ

jo arsa pahle TuuT gayā

kuchh saa.e hamāre bachpan ke

kuchh yaad hamāre logoñ kī

is khañDar se vābasta haiñ

thī naqsh bahut sī tasvīreñ

is khañDar kī dīvāroñ par

tum jānte ho vo kis kī thiiñ

kuchh bachchoñ kī kuchh būḌhoñ kī

kuchh mere apne bachpan kī

aao chaleñ us khañDar meñ

jo arsa pahle TuuT gayā

aur

saath bahut kuchh luuT gayā

vo dekh rahe ho banjar til

is khañDar kā vo hissa thā

tab sahn use ham kahte the

sab mil ke us meñ rote the

shaam kī aksar chaa.e ham

us jā par baiTh ke piite the

aao chaleñ us hisse meñ

jahāñ baiTh ke ham sab paḌhte the

shor machāyā karte the

aur sab ko hañsāyā karte the

kabhī laḌte the kabhī rote the

ye dekho ye jo miTTī hai

ham is meñ khelā karte the

aur ghanToñ khelā karte the

vo dekho vo TuuTī DevḌhī

mere ghar kī chaukhaT hai

har saal nayā sā rañg koī

ham log chaḌhāte the is par

jānte ho ye khañDar kabhī

ābād bhī thā shādāb bhī thā

ham log isī meñ rahte the

ye ghar thā hamārā pyārā sā

aur pyāre pyāre log bahut se

saath hamāre rahte the

ham jashn manāyā karte the

un chāhne vaale logoñ ke

lahje kī lahak āñkhoñ kī chamak

qadmoñ kī dhamak

us ghar kī fazā meñ guuñj rahī

tum ġhaur karo āhista chalo

ye khañDar nahīñ hai ghar hai mirā

is gardish-e-daurāñ ne jis ko

yuuñ luuT liyā barbād kiyā

maiñ lauT ke ab jo aa.ī huuñ

asbāb bahut se laa.ī huuñ

par sunñe vaalā koī nahīñ

nāyāb hue vo log sabhī

vo āñkheñ thak ke muñd bhī ga.ī

jo raat ko jaagā kartī thiiñ

ab ye to bas ik khañDar hai

aao chaleñ is khañDar meñ

jo arsa pahle TuT gaya

kuchh yaaden un mein baqi hain

fariyaaden bhi kuchh baqi hain

shahnai ka hai koi maddham sur

un diwaron mein gunj raha

aao chalen us khanDar mein

jo arsa pahle TuT gaya

kuchh sae hamare bachpan ke

kuchh yaad hamare logon ki

is khanDar se wabasta hain

thi naqsh bahut si taswiren

is khanDar ki diwaron par

tum jaante ho wo kis ki thin

kuchh bachchon ki kuchh buDhon ki

kuchh mere apne bachpan ki

aao chalen us khanDar mein

jo arsa pahle TuT gaya

aur

sath bahut kuchh luT gaya

wo dekh rahe ho banjar til

is khanDar ka wo hissa tha

tab sahn use hum kahte the

sab mil ke us mein rote the

sham ki aksar chae hum

us ja par baiTh ke pite the

aao chalen us hisse mein

jahan baiTh ke hum sab paDhte the

shor machaya karte the

aur sab ko hansaya karte the

kabhi laDte the kabhi rote the

ye dekho ye jo miTTi hai

hum is mein khela karte the

aur ghanTon khela karte the

wo dekho wo TuTi DewDhi

mere ghar ki chaukhaT hai

har sal naya sa rang koi

hum log chaDhate the is par

jaante ho ye khanDar kabhi

aabaad bhi tha shadab bhi tha

hum log isi mein rahte the

ye ghar tha hamara pyara sa

aur pyare pyare log bahut se

sath hamare rahte the

hum jashn manaya karte the

un chahne wale logon ke

lahje ki lahak aankhon ki chamak

qadmon ki dhamak

us ghar ki faza mein gunj rahi

tum ghaur karo aahista chalo

ye khanDar nahin hai ghar hai mera

is gardish-e-dauran ne jis ko

yun luT liya barbaad kiya

main lauT ke ab jo aai hun

asbab bahut se lai hun

par sunne wala koi nahin

nayab hue wo log sabhi

wo aankhen thak ke mund bhi gai

jo raat ko jaga karti thin

ab ye to bas ek khanDar hai

aao chalen is khanDar mein