aao mil kar chalen

aao mil kar chaleñ

aao mil kar chaleñ

ek duuje kā ab ham sahārā baneñ

vaqt kī qaid meñ

maiñ bhī huuñ tum bhī ho

kyoñ na mil kar ye pal ham guzāreñ

phīkī duniyā meñ mīThī sī bātoñ ke rang

aao mil kar bhareñ

aao mil kar chaleñ

tum bano āftāb aur maiñ māhtāb

ho munavvar hamīñ se ye ḳhaak aur aab

āsmāñ ko zamīñ meñ dikhe aa.ina

is añdhere ko din aur mil paa.eñ na

raushnī kā sabab aao mil kar baneñ

aao mil kar chaleñ

aao tanhā.iyoñ se bharī raat meñ

vasl kā mil ke ham bol-bālā kareñ

ek duuje kī ḳhātir ujālā kareñ

ek duuje ke dil kī vo sarhad baneñ

jis ke nazdīk bhī ġham bhaTak na sakeñ

vo purānī ḳhizāoñ ke kāñTe sabhī

jo diloñ meñ chubhe rah ga.e the kabhī

un ko mil kar chuneñ

kyoñ na mil kar raheñ

aur kar deñ bahāroñ ko yuuñ jāvedāñ

aa na paa.e kabhī bhī ḳhizāñ phir yahāñ

barg-e-gul kī tarah dil mahakne lageñ

aao mil kar chaleñ

aao mil kar chalen

aao mil kar chalen

ek duje ka ab hum sahaara banen

waqt ki qaid mein

main bhi hun tum bhi ho

kyon na mil kar ye pal hum guzaren

phiki duniya mein miThi si baaton ke rang

aao mil kar bharen

aao mil kar chalen

tum bano aaftab aur main mahtab

ho munawwar hamin se ye KHak aur aab

aasman ko zamin mein dikhe aaina

is andhere ko din aur mil paen na

raushni ka sabab aao mil kar banen

aao mil kar chalen

aao tanhaiyon se bhari raat mein

wasl ka mil ke hum bol-baala karen

ek duje ki KHatir ujala karen

ek duje ke dil ki wo sarhad banen

jis ke nazdik bhi gham bhaTak na saken

wo purani KHizaon ke kanTe sabhi

jo dilon mein chubhe rah gae the kabhi

un ko mil kar chunen

kyon na mil kar rahen

aur kar den bahaaron ko yun jawedan

aa na pae kabhi bhi KHizan phir yahan

barg-e-gul ki tarah dil mahakne lagen

aao mil kar chalen