aape ranjha hoi

maġhribī sahrā ke kināre kundan ke phuul khilnā shurūa ho ga.e haiñ

mashriqī sahrā ke bīchoñ-bīch khaḌī sundarī kī naak kā lauñg murjhā gayā hai

ye kis tārīḳh ke aḳhbār kī ḳhabar hai

koī ishtihār hai kyā

dīvāroñ pe lakīreñ na Daalo miTāoge to tumhāre hī haath kaale hoñge

haañ khel khel meñ hī dallālī siikh jāoge ko.eloñ kā to bahāna hai

ko.ele chār-din aur dahak rahe haiñ

pañkhe mere dil meñ lage haiñ mujhe ab bhī sardī lagtī hai

barf kī vo Dalī pighaltī kyuuñ nahīñ jis kī ā.īne jaisī sat.h par

merā chehra bhī mujhe dikhā.ī kyuuñ nahīñ detā darmiyān kaun haa.il hai

garm larazte hue aañsū aur milne kī tā-hañg

āñsuoñ ke jhakole meñ hamāre chehre Dislocate ho ga.e haiñ

aur phir saañs se saañs na milī

dam meñ dam na aayā

rāñjhā rāñjhā kūkdī maiñ aape rāñjhan hoī

maghribi sahra ke kinare kundan ke phul khilna shurua ho gae hain

mashriqi sahra ke bichon-bich khaDi sundari ki nak ka laung murjha gaya hai

ye kis tariKH ke aKHbar ki KHabar hai

koi ishtihaar hai kya

diwaron pe lakiren na Dalo miTaoge to tumhaare hi hath kale honge

han khel khel mein hi dallali sikh jaoge koelon ka to bahana hai

koele chaar-din aur dahak rahe hain

pankhe mere dil mein lage hain mujhe ab bhi sardi lagti hai

barf ki wo Dali pighalti kyun nahin jis ki aaine jaisi sath par

mera chehra bhi mujhe dikhai kyun nahin deta darmiyan kaun hail hai

garm larazte hue aansu aur milne ki ta-hang

aansuon ke jhakole mein hamare chehre Dislocate ho gae hain

aur phir sans se sans na mili

dam mein dam na aaya

ranjha ranjha kukdi main aape ranjhan hoi