aaram hai hamara

na rakh niyām meñ rahne de be-niyām abhī

tū is ko haath meñ kuchh der aur thaam abhī

kuchh aur lenā hai ḳhanjar se tujh ko kaam abhī

adū kā kaam huā hai kahāñ tamām abhī

muhāfiz-e-vatan ārām hai harām abhī

abhī to chhā.ī huī hai ufuq pe ġham kī ghaTā

abhī to shoa.la-fishāñ hai himaliya kī fazā

abhī to chaltī hai sarhad par tund-o-tez havā

sukūñ kā ḳhvāb hai yak surḳhiyān-e-ḳhām abhī

muhāfiz-evatan ārām hai harām abhī

abhī to jam.a hai sarhad pe lashkar-e-aġhyār

abhī to āñkheñ dikhātā hai ġhāsib-e-ġhaddār

abhī to maa.il shar hai junūn-e-fitna-shi.ār

use pilānā hai zahr-e-ajal kā jaam abhī

muhāfiz-e-vatan ārām hai harām abhī

koī kalām nahīñ hai tirī shujā.at meñ

na aa.ī paañv meñ laġhzish hazār aafat meñ

tū pesh pesh rahā hai vatan kī ḳhidmat meñ

magar hai duur bahut amn kā maqām abhī

muhāfiz-e-vatan ārām hai harām abhī

uThe jo fitna-e-tāza use dabānā hai

sitam-tarāz ko maidān se bhagāna hai

abhī to hamle kā badla tujhe chukānā hai

na lā zabān pe ārām kā tū naam abhī

muhāfiz-e-vatan ārām hai harām abhī

na rakh niyam mein rahne de be-niyam abhi

tu is ko hath mein kuchh der aur tham abhi

kuchh aur lena hai KHanjar se tujh ko kaam abhi

adu ka kaam hua hai kahan tamam abhi

muhafiz-e-watan aaram hai haram abhi

abhi to chhai hui hai ufuq pe gham ki ghaTa

abhi to shoala-fishan hai himaliya ki faza

abhi to chalti hai sarhad par tund-o-tez hawa

sukun ka KHwab hai yak surKHiyan-e-KHam abhi

muhafiz-ewatan aaram hai haram abhi

abhi to jama hai sarhad pe lashkar-e-aghyar

abhi to aankhen dikhata hai ghasib-e-ghaddar

abhi to mail shar hai junun-e-fitna-shiar

use pilana hai zahr-e-ajal ka jam abhi

muhafiz-e-watan aaram hai haram abhi

koi kalam nahin hai teri shujaat mein

na aai panw mein laghzish hazar aafat mein

tu pesh pesh raha hai watan ki KHidmat mein

magar hai dur bahut amn ka maqam abhi

muhafiz-e-watan aaram hai haram abhi

uThe jo fitna-e-taza use dabana hai

sitam-taraaz ko maidan se bhagana hai

abhi to hamle ka badla tujhe chukana hai

na la zaban pe aaram ka tu nam abhi

muhafiz-e-watan aaram hai haram abhi