aarzu

ḳhudāyā aarzū merī yahī hai

ye hasrat dil meñ karvaT le rahī hai

banūñ kamzor logoñ kā sahārā

dukhī logoñ ko duuñ har dam dilāsā

za.īfoñ be-kasoñ ke kaam aa.uuñ

ġharīboñ muflisoñ ke kaam aa.uuñ

maiñ apne dostoñ kā dukh uThā.ūñ

jo rūThe hoñ unheñ hans kar manā.ūñ

burā.ī se sadā laḌtā rahūñ maiñ

bhalā har kaam hī kartā rahūñ maiñ

hamesha alam se rakhkhūñ meñ ulfat

kitāboñ se sadā rakhkhūñ mohabbat

jo bhaTke hoñ unheñ manzil dikhā.ūñ

jo āndhe hoñ unheñ rasta batā.ūñ

karūñ maañ baap kī dil se maiñ ḳhidmat

rakhūñ ustād se apne mohabbat

buzurgoñ kī nasīhat par karūñ maiñ

maiñ nafrat ke charāġhoñ ko bujhā.ūñ

diyā amn o mohabbat kā jalā.ūñ

karūñ apne vatan kī pāsbānī

atā karnā mujhe vo naujavānī

ḳhudāyā aarzū kar de ye puurī

yahī bas iltijā hai tujh se merī

KHudaya aarzu meri yahi hai

ye hasrat dil mein karwaT le rahi hai

banun kamzor logon ka sahaara

dukhi logon ko dun har dam dilasa

zaifon be-kason ke kaam aaun

gharibon muflison ke kaam aaun

main apne doston ka dukh uThaun

jo ruThe hon unhen hans kar manaun

burai se sada laDta rahun main

bhala har kaam hi karta rahun main

hamesha alam se rakhkhun mein ulfat

kitabon se sada rakhkhun mohabbat

jo bhaTke hon unhen manzil dikhaun

jo aandhe hon unhen rasta bataun

karun man bap ki dil se main KHidmat

rakhun ustad se apne mohabbat

buzurgon ki nasihat par karun main

main nafrat ke charaghon ko bujhaun

diya amn o mohabbat ka jalaun

karun apne watan ki pasbani

ata karna mujhe wo naujawani

KHudaya aarzu kar de ye puri

yahi bas iltija hai tujh se meri