نہ جانے میرے دل کی خود فریبی کیوں نہیں جاتی
تخیل سے حسیں خوابوں کے منظر گم نہیں ہوتے
مری جاں سے فسون سوز و غم چھن کیوں نہیں جاتا
نہ جانے میرے دل کی خود فریبی کیوں نہیں جاتی
وہی غربت وہی مشکل وہی ویراں فضائیں ہیں
وہی مظلوم انساں ہیں وہی بے بس دعائیں ہیں
نظام بزم انساں میں وہی ظالم تعیش ہے
ہوسکاری کی محفل میں وہی کافر جفائیں ہیں
نوید صبح میرے دل کی دنیا میں نہیں آتی
مری تاریکئ شب کیوں منور ہو نہیں جاتی
نظام بزم انساں کیوں سنورنے میں نہیں آتا
سیاہی دھل نہیں جاتی تباہی سو نہیں جاتی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
