aatish-kada
'azāb kī sab ruteñ salāmat
gulāb poroñ ko chhīlte ho
to pankhuḌī ko bhī ḳhaar jaano
mohabbateñ aur nafrateñ sab tumhārā haq haiñ
hamāre milne se furqatoñ tak
tamām be-ḳhvāb sā'atoñ meñ
chaTaḳhte hoñThoñ sulagte jismoñ ko
tishnagī kā ḳhirāj dete hue zamāne guzar chuke haiñ
ham apne sīnoñ meñ apne ātish-kade jalā kar
yuuñ apne jismoñ ko kab talak pūjte raheñge
kahīñ chanāroñ pe barf girne se
agle mausam meñ un kī rangat badal sakī hai
lahū to āvāz māñgtā hai
badan to iz.hār chāhtā hai
'azab ki sab ruten salamat
gulab poron ko chhilte ho
to pankhuDi ko bhi KHar jaano
mohabbaten aur nafraten sab tumhaara haq hain
hamare milne se furqaton tak
tamam be-KHwab sa'aton mein
chaTaKHte honThon sulagte jismon ko
tishnagi ka KHiraj dete hue zamane guzar chuke hain
hum apne sinon mein apne aatish-kade jala kar
yun apne jismon ko kab talak pujte rahenge
kahin chanaron pe barf girne se
agle mausam mein un ki rangat badal saki hai
lahu to aawaz mangta hai
badan to izhaar chahta hai
- Book : Ek Diya Aur Ek Phool (Pg. 128)
- Author : Ishrat Afreen
- Publication : Rekhta Publications (2022)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
