aatma tarang

is des kī chāhat faanī hai

yaañ husn-o-vajāhat faanī hai

yaañ jang-o-raqābat faanī hai

yaañ amn-o-iqāmat faanī hai

jis des meñ aanī raaj nahīñ

us des meñ chal sansār kareñ

yaañ jins-e-taġhayyur sastī hai

yaañ ḳhauf-e-buland-o-pastī hai

fitrat bhī rahīn-e-hastī hai

ye vahm-o-gumāñ kī bastī hai

jis des meñ aanī raaj nahīñ

us des meñ chal sansār kareñ

phūloñ kī latāfat jhūTī hai

shabnam kī tarāvat jhūTī hai

ye prem ye chāhat jhūTī hai

ye ruup ye rangat jhūTī hai

jis des meñ aanī raaj nahīñ

us des meñ chal sansār kareñ

sukh-des ko chal haañ der na kar

chal chhor chaleñ ye phūT-nagar

rakh tez qadam bajtā hai gajar

hai kitnā mubārak apnā safar

jis des meñ aanī raaj nahīñ

us des meñ chal sansār kareñ

vaañ gardish-e-sub.h-o-shām nahīñ

vaañ huzn nahīñ ālām nahīñ

āġhāz nahīñ anjām nahīñ

insān jahāñ nākām nahīñ

ānand bhī ho ārām bhī ho

us des meñ chal sansār kareñ

is des ki chahat fani hai

yan husn-o-wajahat fani hai

yan jang-o-raqabat fani hai

yan amn-o-iqamat fani hai

jis des mein aani raj nahin

us des mein chal sansar karen

yan jins-e-taghayyur sasti hai

yan KHauf-e-buland-o-pasti hai

fitrat bhi rahin-e-hasti hai

ye wahm-o-guman ki basti hai

jis des mein aani raj nahin

us des mein chal sansar karen

phulon ki latafat jhuTi hai

shabnam ki tarawat jhuTi hai

ye prem ye chahat jhuTi hai

ye rup ye rangat jhuTi hai

jis des mein aani raj nahin

us des mein chal sansar karen

sukh-des ko chal han der na kar

chal chhor chalen ye phuT-nagar

rakh tez qadam bajta hai gajar

hai kitna mubarak apna safar

jis des mein aani raj nahin

us des mein chal sansar karen

wan gardish-e-subh-o-sham nahin

wan huzn nahin aalam nahin

aaghaz nahin anjam nahin

insan jahan nakaam nahin

aanand bhi ho aaram bhi ho

us des mein chal sansar karen