aazadi

bahār aa.ī hai gulshan shādmāñ hai

bahut rangīñ chaman kī dāstāñ hai

hujūm-e-nāznīn-o-mahvishāñ hai

tirange ko zarā ūñchā uThāo

rafīqo jashn-e-āzādī manāo

tumhīñ se qaum kī hai jāh-o-hashmat

tumhīñ se hai vatan kī shān-o-azmat

tumheñ denā hai ab dars-e-mohabbat

qadam ik saath sab mil kar baḌhāo

rafīqo jashn-e-āzādī manāo

miTā do buġhz-o-kīna fitna-o-shar

vo ġhuncha ho ki kāñTā yā gul-e-tar

barābar sab kā haq hai gulsitāñ par

yahī sab se kaho sab ko batāo

rafīqo jashn-e-āzādī manāo

sañvāro is tarah se sehn-e-gulshan

raheñ mil-jul ke sab shaiḳh-o-barahman

ho gosha gosha is dhartī kā raushan

ahinsā kā sabaq sīkho sikhāo

rafīqo jashn-e-āzādī manāo

miTā do hind se be-rozgārī

nayā fan ho na.ī ho dast-kārī

tijārat meñ baḌhe shohrat tumhārī

vatan ko apne ik jannat banāo

rafīqo jashn-e-āzādī manāo

muhāfiz ho nigahbān-e-chaman ho

tumhīñ to jān-o-rūh-e-anjuman ho

sikhānā kyā tumheñ tum ahl-e-fan ho

charāġh-e-fikr-o-fan se nuur laao

rafīqo jashn-e-āzādī manāo

bahaar aai hai gulshan shadman hai

bahut rangin chaman ki dastan hai

hujum-e-naznin-o-mahwishan hai

tirange ko zara uncha uThao

rafiqo jashn-e-azadi manao

tumhin se qaum ki hai jah-o-hashmat

tumhin se hai watan ki shan-o-azmat

tumhein dena hai ab dars-e-mohabbat

qadam ek sath sab mil kar baDhao

rafiqo jashn-e-azadi manao

miTa do bughz-o-kina fitna-o-shar

wo ghuncha ho ki kanTa ya gul-e-tar

barabar sab ka haq hai gulsitan par

yahi sab se kaho sab ko batao

rafiqo jashn-e-azadi manao

sanwaro is tarah se sehn-e-gulshan

rahen mil-jul ke sab shaiKH-o-barahman

ho gosha gosha is dharti ka raushan

ahinsa ka sabaq sikho sikhao

rafiqo jashn-e-azadi manao

miTa do hind se be-rozgari

naya fan ho nai ho dast-kari

tijarat mein baDhe shohrat tumhaari

watan ko apne ek jannat banao

rafiqo jashn-e-azadi manao

muhafiz ho nigahban-e-chaman ho

tumhin to jaan-o-ruh-e-anjuman ho

sikhana kya tumhein tum ahl-e-fan ho

charagh-e-fikr-o-fan se nur lao

rafiqo jashn-e-azadi manao