aazadi-e-watan

Makhdoom Mohiuddin

aazadi-e-watan

Makhdoom Mohiuddin

MORE BYMakhdoom Mohiuddin

    kaho hindostāñ jai

    kaho hindostāñ jai

    qasam hai ḳhuun se sīñche hue rañgīñ gulistāñ

    qasam hai ḳhūn-e-dahqāñ qasam ḳhūn-e-shahīdāñ

    ye mumkin hai ki duniyā ke samundar ḳhushk ho jaa.eñ

    ye mumkin hai ki dariyā bahte bahte thak ke so jaa.eñ

    jalānā chhoḌ deñ dozaḳh ke añgāre ye mumkin hai

    ravānī tark kar deñ barq ke dhāre ye mumkin hai

    zamīn-e-pāk ab nāpākiyoñ ko Dho nahīñ saktī

    vatan sham-e-āzādī kabhī gul ho nahīñ saktī

    kaho hindostāñ jai

    kaho hindostāñ jai

    vo hindī naujavāñ ya.anī alam-bardār-e-āzādī

    vatan pāsbāñ vo teġh-e-jauhar-dār-e-āzādī

    vo pākīza sharāra bijliyoñ ne jis ko dhoyā hai

    vo añgāra ki jis meñ ziist ne ḳhud ko samoyā hai

    vo sham-e-zindagānī āñdhiyoñ ne jis ko paalā hai

    ik aisī naav tūfānoñ ne ḳhud jis ko sambhālā hai

    vo Thokar jis se giitī larza-bar-andām rahtī hai

    vo dhārā jis ke siine par amal naav bahtī hai

    chhupī ḳhāmosh aa.heñ shor-e-mahshar ban ke niklī haiñ

    dabī chiñgāriyāñ ḳhurshīd-e-ḳhāvar ban ke niklī haiñ

    badal naujavān-e-hind ne taqdīr zindāñ

    mujāhid nazar se kaT ga.ī zanjīr zindāñ

    kaho hindostāñ jai

    kaho hindostāñ jai

    kaho hindostāñ jai.......

    kaho hindostan ki jai

    kaho hindostan ki jai

    qasam hai KHun se sinche hue rangin gulistan ki

    qasam hai KHun-e-dahqan ki qasam KHun-e-shahidan ki

    ye mumkin hai ki duniya ke samundar KHushk ho jaen

    ye mumkin hai ki dariya bahte bahte thak ke so jaen

    jalana chhoD den dozaKH ke angare ye mumkin hai

    rawani tark kar den barq ke dhaare ye mumkin hai

    zamin-e-pak ab napakiyon ko Dho nahin sakti

    watan ki sham-e-azadi kabhi gul ho nahin sakti

    kaho hindostan ki jai

    kaho hindostan ki jai

    wo hindi naujawan yani alam-bardar-e-azadi

    watan ki pasban wo tegh-e-jauhar-dar-e-azadi

    wo pakiza sharara bijliyon ne jis ko dhoya hai

    wo angara ki jis mein zist ne KHud ko samoya hai

    wo sham-e-zindagani aandhiyon ne jis ko pala hai

    ek aisi naw tufanon ne KHud jis ko sambhaala hai

    wo Thokar jis se giti larza-bar-andam rahti hai

    wo dhaara jis ke sine par amal ki naw bahti hai

    chhupi KHamosh aahen shor-e-mahshar ban ke nikli hain

    dabi chingariyan KHurshid-e-KHawar ban ke nikli hain

    badal di naujawan-e-hind ne taqdir zindan ki

    mujahid ki nazar se kaT gai zanjir zindan ki

    kaho hindostan ki jai

    kaho hindostan ki jai

    kaho hindostan ki jai

    Source :
    • Book : Azadi Ki Nazmein (Pg. 98)
    • Author : Sibte Hasan
    • Publication : Qaumi Council Baraye-farogh Urdu (1985(Urdu Acadami U.P,2007 (Urdu Council Adition))
    • Edition : 1985(Urdu Acadami U.P,2007 (Urdu Council Adition)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY