اب کہ جب

اب کہ جب آ گئی ہے شام شباب

ابروؤں کی تراش سے حاصل

دل میں جب پہلا سا وہ پیار نہیں

اب گلابوں پہ وہ نکھار نہیں

کھو چکے اپنا تیکھا پن بادام

سنبھلی سنبھلی ہیں آج کل مادام

چپ ہوا خواہشوں کا آوازہ

بوئے تازہ سے ہے تہی غازہ

اور کاجل میں وہ خمار نہیں

بانکپن اب مزہ نہیں دیتا

حسن بھی ہو چلا اداس اداس

اب نہیں ہے لباس میں بھی پیاس

پیری ہونے لگی ہے اب وارد

ہو گئیں آپ دفعتاً بارد

کتنے ہی دن ملن نہیں ہوتا

پیار کا یہ چلن نہیں ہوتا