abad

maut kis raah par khaḌī merī raah dekh rahī hai

abhī abhī maiñ ne havā kī an dekhī chādar meñ sūrāḳh kiyā hai

aur bahut uupar ke bādaloñ ko chhalnī kar diyā hai

zamīn bhar kī vo saarī miTTī

jo an-ginat dafn hone vāloñ

kī kīmiyā se banī hai

aur chāroñ dishāoñ meñ

an-ginat badan jaloñ kī chitāoñ kī jo raakh banī hai

kahāñ le jā.egī mujhe

maiñ to ab vo huuñ hī nahīñ jo kabhī huā kartā thā

ab na to meñ kabhī sotā huuñ aur na kabhī jāgtā huuñ

maiñ na paañv chaltā huuñ na maiñ qadam-sākin huuñ

maut mere paañv ke binā chal saktī hai

maut mere qadam ke binā sākin ho saktī hai

ab ġhilāf-e-zindagī kī koī bhī ek parat rah ga.ī ho

to use zindagī se haTā diyā jaa.e

jab uqaab ūñchī uḌaan par ho

to us kī aañkh meñ koī suī chubhoī nahīñ jā saktī

maut ne mujhe uqaab banā diyā hai

yā shāyad mujhe kisī farishte meñ tabdīl kar diyā hai

ab mujhe zamīn par yā zamīn kī fuzūl duniyā kī sat.h par DhūñDā na jaa.e

maiñ ab kisī kī dastaras meñ nahīñ ho

maut kis rah par khaDi meri rah dekh rahi hai

abhi abhi main ne hawa ki an dekhi chadar mein suraKH kiya hai

aur bahut upar ke baadalon ko chhalni kar diya hai

zamin bhar ki wo sari miTTi

jo an-ginat dafn hone walon

ki kimiya se bani hai

aur chaaron dishaon mein

an-ginat badan jalon ki chitaon ki jo rakh bani hai

kahan le jaegi mujhe

main to ab wo hun hi nahin jo kabhi hua karta tha

ab na to mein kabhi sota hun aur na kabhi jagta hun

main na panw chalta hun na main qadam-sakin hun

maut mere panw ke bina chal sakti hai

maut mere qadam ke bina sakin ho sakti hai

ab ghilaf-e-zindagi ki koi bhi ek parat rah gai ho

to use zindagi se haTa diya jae

jab uqab unchi uDan par ho

to us ki aankh mein koi sui chubhoi nahin ja sakti

maut ne mujhe uqab bana diya hai

ya shayad mujhe kisi farishte mein tabdil kar diya hai

ab mujhe zamin par ya zamin ki fuzul duniya ki sath par DhunDa na jae

main ab kisi ki dastaras mein nahin ho