abba ki ainak

kyā kar rahī haiñ aap yahāñ jald aa.iye

ammī kahāñ hai abbā kī ainak batā.iye

rakh kar yahīñ kahīñ use bhūle haiñ dekhiye

jhūle meñ ittifāq ke jhūle haiñ dekhiye

kiije jo koī baat to jhuñjhlā rahe haiñ vo

collage kā vaqt ho gayā jhallā rahe haiñ vo

un kī nazar meñ apnī hī har chiiz ġhair hai

takiya hai apnī jā pe na chādar ba-ḳhair hai

chīzeñ jo mez pe thiiñ vo sab hī palaT ga.iiñ

takiya hai apnī jā pe na chādar ba-ḳhair hai

chīzeñ jo mez pe thiiñ vo sab hī palaT ga.iiñ

ek ek kar ke saarī kitābeñ ulaT ga.iiñ

kamre kā haal ġhair hai aa kar bachā.iye

ammī ḳhudā ke vāste ab aa bhī jā.iye

ammī ye sun kar dauḌ kar aa.iiñ ba-iztirāb

abbā se ham-kalām huiiñ aate hī shitāb

kyā kar rahe haiñ aap zarā hosh kījiye

rakhī kahāñ thī aap ne ainak ye sochiye

abbā ye kahne paa.e the ki bas usī jagah

itne meñ ammī bol uThīñ ḳhuub vaah vā

vallāh kis kamāl ke haiñ aap aadmī

ajdād meñ do ek rahe hoñge falsafī

kiije durust jā.iye collage ba-sad shitāb

ainak dharī hai aap kī peshānī pe janāb

kya kar rahi hain aap yahan jald aaiye

ammi kahan hai abba ki ainak bataiye

rakh kar yahin kahin use bhule hain dekhiye

jhule mein ittifaq ke jhule hain dekhiye

kije jo koi baat to jhunjhla rahe hain wo

collage ka waqt ho gaya jhalla rahe hain wo

un ki nazar mein apni hi har chiz ghair hai

takiya hai apni ja pe na chadar ba-KHair hai

chizen jo mez pe thin wo sab hi palaT gain

takiya hai apni ja pe na chadar ba-KHair hai

chizen jo mez pe thin wo sab hi palaT gain

ek ek kar ke sari kitaben ulaT gain

kamre ka haal ghair hai aa kar bachaiye

ammi KHuda ke waste ab aa bhi jaiye

ammi ye sun kar dauD kar aain ba-iztirab

abba se ham-kalam huin aate hi shitab

kya kar rahe hain aap zara hosh kijiye

rakhi kahan thi aap ne ainak ye sochiye

abba ye kahne pae the ki bas usi jagah

itne mein ammi bol uThin KHub wah wa

wallah kis kamal ke hain aap aadmi

ajdad mein do ek rahe honge falsafi

kije durust jaiye collage ba-sad shitab

ainak dhari hai aap ki peshani pe janab