abdul-karim ko bhuk bhi lagti hai

general sāhab

mere bachche kyā khā.eñge

national security council

ġhair-jānib-dār aur shaffāf ehtisāb

yā qaumī yak-jihatī council

maiñ kitnā be-shu.ūr huuñ

aap itne aziim faisle kar rahe haiñ

aur maiñ sochtā huuñ

phuTTī kī qīmat meñ kab izāfa hogā

baḌe baḌe faisle karne se pahle general sāhab

aap ko mahsūs karnā hogā

abdul-karīm ko bhuuk bhī lagtī hai

is inqalāb meñ

mujhe apne bachchoñ ke phūle peT nazar aate haiñ

jab tak aap kī nazar mujh par paḌe

maiñ kitne bachche dafnā chukā hūñgā

mere hal ko zañg lagne se pahle

agar aap kisī faisle par na pahuñche

to maiñ apne bachchoñ ko

gandum kā biij khilā chukā hūñgā

khetoñ meñ bhuuk ugegī

lekin gandum to dar-āmad kar lī jā.egī

kyā merī bhuuk ko bar-āmad nahīñ kiyā jā saktā

general sahab

mere bachche kya khaenge

national security council

ghair-jaanib-dar aur shaffaf ehtisab

ya qaumi yak-jihati council

main kitna be-shuur hun

aap itne azim faisle kar rahe hain

aur main sochta hun

phuTTi ki qimat mein kab izafa hoga

baDe baDe faisle karne se pahle general sahab

aap ko mahsus karna hoga

abdul-karim ko bhuk bhi lagti hai

is inqalab mein

mujhe apne bachchon ke phule peT nazar aate hain

jab tak aap ki nazar mujh par paDe

main kitne bachche dafna chuka hunga

mere hal ko zang lagne se pahle

agar aap kisi faisle par na pahunche

to main apne bachchon ko

gandum ka bij khila chuka hunga

kheton mein bhuk ugegi

lekin gandum to dar-amad kar li jaegi

kya meri bhuk ko bar-amad nahin kiya ja sakta