abhi kuchh kaam baqi hain

abhī Thahro

abhī kuchh kaam baaqī haiñ

zarā ye kaam nimTā leñ to chalte haiñ

abhī to nā-mukammal nazm kā ik āḳhirī misra kitāb-e-hijr meñ tahrīr karnā hai

ḳhas-o-ḳhāshāk-e-ġham aslāf meñ taqsīm ho jaa.eñ to sar se bojh utre

qarz kā jaama pahan kar ik na.e raste pe jaanā kab munāsib hai

abhī Thahro

abhī ham ko jazīre meñ havā ke sabz jhoñkoñ se shajar kī baat karnā hai

saveroñ kī imāmat karne vaalī zau nigāhoñ meñ pirone tak Thahar jaao

añdheroñ meñ kisī lau ke binā lambā safar āġhāz karnā kab munāsib hai

abhī Thahro

hujūm-e-dil-barāñ ādāb-e-girya se nahīñ vāqif

dar-o-dīvār-e-hasrat meñ zarā sī bhiiḌ lag jaa.e to chalte haiñ

ḳhabar bhejo

ki yuuñ chup-chāp mayyat kī tarah ghar se nikalnā kab munāsib hai

zarā Thahro

abhī kuchh kaam baaqī haiñ

zarā ye kaam nimTā leñ to chalte haiñ

abhi Thahro

abhi kuchh kaam baqi hain

zara ye kaam nimTa len to chalte hain

abhi to na-mukammal nazm ka ek aaKHiri misra kitab-e-hijr mein tahrir karna hai

KHas-o-KHashak-e-gham aslaf mein taqsim ho jaen to sar se bojh utre

qarz ka jama pahan kar ek nae raste pe jaana kab munasib hai

abhi Thahro

abhi hum ko jazire mein hawa ke sabz jhonkon se shajar ki baat karna hai

saweron ki imamat karne wali zau nigahon mein pirone tak Thahar jao

andheron mein kisi lau ke bina lamba safar aaghaz karna kab munasib hai

abhi Thahro

hujum-e-dil-baran aadab-e-girya se nahin waqif

dar-o-diwar-e-hasrat mein zara si bhiD lag jae to chalte hain

KHabar bhejo

ki yun chup-chap mayyat ki tarah ghar se nikalna kab munasib hai

zara Thahro

abhi kuchh kaam baqi hain

zara ye kaam nimTa len to chalte hain