abortion

shāyad tumhāre

aane kā ābhās

sab ko ho chukā thā

tumhāre vajūd kī aahaT

pahchān lī ga.ī thī

ghar meñ phusphusāte hue log

ye bhuul baiThe the

ki jis se ye paidā hue haiñ

vo kokh hī ek kokh meñ

pal rahī hai

kal phir mujhe aspatāl le jaayā jā.egā

kal ek aur zindagī

khiskā dī jā.egī usī rāste

ūtkoñ kī ek uljhī huī uljhan

añgoñ ke kaliyoñ kā

ek TuuTā guldasta

pheñk diyā jā.egā dustbin meñ

narsanhāroñ ke āñkḌe

to bahut kam ho ga.e

par ye aspatāl safed maqbare haiñ

ahañkār aur udāsīntā kā

surgical mask pahne hue

glavs aur gown meñ

ghūmte hue karghe

mujhe anesthesia deñge

phir kareñge merā abortion

shayad tumhaare

aane ka aabhas

sab ko ho chuka tha

tumhaare wajud ki aahaT

pahchan li gai thi

ghar mein phusphusate hue log

ye bhul baiThe the

ki jis se ye paida hue hain

wo kokh hi ek kokh mein

pal rahi hai

kal phir mujhe aspatal le jaya jaega

kal ek aur zindagi

khiska di jaegi usi raste

utkon ki ek uljhi hui uljhan

angon ke kaliyon ka

ek TuTa guldasta

phenk diya jaega dustbin mein

narsanhaaron ke aankDe

to bahut kam ho gae

par ye aspatal safed maqbare hain

ahankar aur udasinta ka

surgical mask pahne hue

glaws aur gown mein

ghumte hue karghe

mujhe anesthesia denge

phir karenge mera abortion