achchhe din

sab hī mere saath the aur ham

sāñjhe dukh-sukh rakhte the

aur un saare logoñ meñ

ek hī ḳhvāb numāyāñ thā

aur vo ḳhvāb mohabbat thā

ek mohabbat sau afsāne

har afsāna apne andar ek ajab dukh liye hue thā

lekin dukh-sukh sāñjhe the so

dukh mahsūs nahīñ hotā thā

saath hī baiThe baiThe ham sab

apnā apnā har ik dukh jab

ik duuje se bāñTte the to

hāsil-e-zarb ḳhushī hotā thā

lekin vo sab jo bhī thā

jaisā bhī thā

ab jab vo sab nahīñ rahā to

jab bhī us ko yaad karūñ to dukh hotā hai

hañste hañste ro paḌtā huuñ aur kahtā huuñ

achchhe din the

nahīñ rahe haiñ

sab hi mere sath the aur hum

sanjhe dukh-sukh rakhte the

aur un sare logon mein

ek hi KHwab numayan tha

aur wo KHwab mohabbat tha

ek mohabbat sau afsane

har afsana apne andar ek ajab dukh liye hue tha

lekin dukh-sukh sanjhe the so

dukh mahsus nahin hota tha

sath hi baiThe baiThe hum sab

apna apna har ek dukh jab

ek duje se banTte the to

hasil-e-zarb KHushi hota tha

lekin wo sab jo bhi tha

jaisa bhi tha

ab jab wo sab nahin raha to

jab bhi us ko yaad karun to dukh hota hai

hanste hanste ro paDta hun aur kahta hun

achchhe din the

nahin rahe hain