اچھے دن

سب ہی میرے ساتھ تھے اور ہم

سانجھے دکھ سکھ رکھتے تھے

اور ان سارے لوگوں میں

ایک ہی خواب نمایاں تھا

اور وہ خواب محبت تھا

ایک محبت سو افسانے

ہر افسانہ اپنے اندر ایک عجب دکھ لیے ہوئے تھا

لیکن دکھ سکھ سانجھے تھے سو

دکھ محسوس نہیں ہوتا تھا

ساتھ ہی بیٹھے بیٹھے ہم سب

اپنا اپنا ہر اک دکھ جب

اک دوجے سے بانٹتے تھے تو

حاصل ضرب خوشی ہوتا تھا

لیکن وہ سب جو بھی تھا

جیسا بھی تھا

اب جب وہ سب نہیں رہا تو

جب بھی اس کو یاد کروں تو دکھ ہوتا ہے

ہنستے ہنستے رو پڑتا ہوں اور کہتا ہوں

اچھے دن تھے

نہیں رہے ہیں