actress

thartharātī rahī charāġh kī lau

ashk palkoñ pe kaañp kaañp ga.e

koī aañsū na ban sakā taarā

shab ke saa.e nazar ko Dhāñp ga.e

kaT gayā vaqt muskurāhaT meñ

qahqahe ruuh ko pasand na the

vo bhī āñhkeñ churā ga.e āḳhir

dil ke darvāze jin pe band na the

sauñp jaatā hai mujh ko tanhā.ī

jis pe dil e'tibār kartā hai

bantī jaatī huuñ naḳhl-e-sahrā.ī

tū ne chāhā to maiñ ne maan liyā

ghar ko bāzār kar diyā maiñ ne

bech kar apnī ek ek umañg

tujh ko zardār kar diyā maiñ ne

apnī be-chārgī pe ro ro kar

dil tujhe yaad kartā rahtā hai

qahqahoñ ke siyah ujāle meñ

jism fariyād kartā rahtā hai

thartharaati rahi charagh ki lau

ashk palkon pe kanp kanp gae

koi aansu na ban saka tara

shab ke sae nazar ko Dhanp gae

kaT gaya waqt muskurahaT mein

qahqahe ruh ko pasand na the

wo bhi aanhken chura gae aaKHir

dil ke darwaze jin pe band na the

saunp jata hai mujh ko tanhai

jis pe dil e'tibar karta hai

banti jati hun naKHl-e-sahrai

tu ne chaha to main ne man liya

ghar ko bazar kar diya main ne

bech kar apni ek ek umang

tujh ko zardar kar diya main ne

apni be-chaargi pe ro ro kar

dil tujhe yaad karta rahta hai

qahqahon ke siyah ujale mein

jism fariyaad karta rahta hai