adhuri nazm hoti hai

kahāñ tum jaan pāoge

ki is tapte hue sahrā meñ nange paañv chalne kī

aziyyat kis ko kahte haiñ

ka.ī din pyaas kī chhāgal liye

jab ret honā ho

to hoñToñ kī dahaktī aarzū ko māpne kā koī paimāna

jahāñ meñ ban nahīñ paayā

to kyā vo dard sun pāoge

jis ko

aaj tak koī

yahāñ chīḳhā nahīñ khul kar

kahāñ vo karb jānoge

javāñ-sālī meñ apnā

jab koī ruḳhsat kiyā jaa.e

to dil par kyā guzartī hai

hamārī zindagī qabroñ pe jā kar baiTh jaatī hai

kahā ye aam jaatā hai

ki vaqt har zaḳhm kā marham hai

lekin

kuchh kachoke vaqt se zaa.il nahīñ hote

hamesha taaza rahte haiñ

mukammal ho nahīñ paatī hamārī pāra-pāra zaat

adhūrī nazm hotī hai

kahan tum jaan paoge

ki is tapte hue sahra mein nange panw chalne ki

aziyyat kis ko kahte hain

kai din pyas ki chhagal liye

jab ret hona ho

to honTon ki dahakti aarzu ko mapne ka koi paimana

jahan mein ban nahin paya

to kya wo dard sun paoge

jis ko

aaj tak koi

yahan chiKHa nahin khul kar

kahan wo karb jaanoge

jawan-sali mein apna

jab koi ruKHsat kiya jae

to dil par kya guzarti hai

hamari zindagi qabron pe ja kar baiTh jati hai

kaha ye aam jata hai

ki waqt har zaKHm ka marham hai

lekin

kuchh kachoke waqt se zail nahin hote

hamesha taza rahte hain

mukammal ho nahin pati hamari para-para zat

adhuri nazm hoti hai