afkar-e-pareshan

ye urūj-e-daulat-e-qaisarī ye shikoh-e-tāj-e-sikandarī

ki yahāñ to ḳhūn-e-ġharīb se hai tapish meñ nabz-e-tavañgarī

vahī ḳhvājgī vahī khusravī vahī rañg-o-nasl kī bartarī

yahī hai tamaddun-e-maġhribī koī mujh se sun le kharī kharī

jo hai tarz-e-bāda-kashāñ yahī jo hai mai-kade kā samāñ yahī

ḳhum-o-shīsha meñ mai-e-lāla-gūñ yūñhī saḌ rahegī dharī dharī

ye zamāna kaisā badal gayā na vo valvale na vo hausle

kisī vaqt the jo sanam-shikan vo haiñ aaj vaqf-e-sanam-girī

mire dil pe barq sī gir paḌī ye kahā jo murġh-e-asīr ne

mire āshiyāne kī shāḳh bhī kabhī thī chaman meñ harī-bharī

vahī aah asl meñ aah hai vahī naala asl meñ naala hai

ki idhar jo dil se nikal paḌe to udhar falak meñ ho thartharī

ye sitam-zarīfī-e-ahd-e-nau bhī hai 'najmī' kitnī ajiib sī

ki jo gumrahī meñ hai mubtalā hai usī ko da.avā-e-rahbarī

ye uruj-e-daulat-e-qaisari ye shikoh-e-taj-e-sikandari

ki yahan to KHun-e-gharib se hai tapish mein nabz-e-tawangari

wahi KHwajgi wahi khusrawi wahi rang-o-nasl ki bartari

yahi hai tamaddun-e-maghribi koi mujh se sun le khari khari

jo hai tarz-e-baada-kashan yahi jo hai mai-kade ka saman yahi

KHum-o-shisha mein mai-e-lala-gun yunhi saD rahegi dhari dhari

ye zamana kaisa badal gaya na wo walwale na wo hausle

kisi waqt the jo sanam-shikan wo hain aaj waqf-e-sanam-giri

mere dil pe barq si gir paDi ye kaha jo murgh-e-asir ne

mere aashiyane ki shaKH bhi kabhi thi chaman mein hari-bhari

wahi aah asl mein aah hai wahi nala asl mein nala hai

ki idhar jo dil se nikal paDe to udhar falak mein ho tharthari

ye sitam-zarifi-e-ahd-e-nau bhi hai 'najmi' kitni ajib si

ki jo gumrahi mein hai mubtala hai usi ko dawa-e-rahbari