ai ishq-e-junun-pesha

umroñ kī masāfat se

thak-hār ga.e āḳhir

sab ahd aziyyat ke

bekār ga.e āḳhir

aġhyār kī bāñhoñ meñ

dildār ga.e āḳhir

ro kar tirī qismat ko

ġham-ḳhvār ga.e āḳhir

yuuñ zindagī guzregī

tā chand vafā-keshā

vo vādī-e-ulfat thī

yā koh-e-alam jo thā

sab madd-e-muqābil the

ḳhusrav thā ki jam jo thā

har raah meñ Tapkā hai

ḳhūnāba baham jo thā

rastoñ meñ luTāyā hai

vo besh ki kam jo thā

nai ranj-e-shikast-e-dil

nai jaan kā andesha

.

kuchh ahl-e-riyā bhī to

hamrāh hamāre the

rahrav the ki rahzan the

jo ruup bhī dhāre the kuchh sahl-talab bhī the

vo bhī hameñ pyāre the

apne the ki begāne

ham ḳhush the ki saare the

sau zaḳhm the nas nas meñ

ghāyal the rag-o-resha

jo jism kā īñdhan thā

gulnār kiyā ham ne

vo zahr ki amrit thā

jī bhar ke piyā ham ne

sau zaḳhm ubhar aa.e

jab dil ko siyā ham ne

kyā kyā na mohabbat kī

kyā kyā na jiyā ham ne

lo kuuch kiyā ghar se

lo jog liyā ham ne

jo kuchh thā diyā ham ne

aur dil se kahā ham ne

ruknā nahīñ darveshā

yuuñ hai ki safar apnā

thā ḳhvāb na afsāna

āñkhoñ meñ abhī tak hai

fardā kā parī-ḳhāna

sad-shukr salāmat hai

pindār-e-faqīrāna

is shahr-e-ḳhamoshī meñ

phir nāra-e-mastāna

ai himmat-e-mardāna

sad-ḳhārā-o-yak-tesha

ai ishq-e-junūñ-pesha

ai ishq-e-junūñ-pesha

umron ki masafat se

thak-haar gae aaKHir

sab ahd aziyyat ke

bekar gae aaKHir

aghyar ki banhon mein

dildar gae aaKHir

ro kar teri qismat ko

gham-KHwar gae aaKHir

yun zindagi guzregi

ta chand wafa-kesha

wo wadi-e-ulfat thi

ya koh-e-alam jo tha

sab madd-e-muqabil the

KHusraw tha ki jam jo tha

har rah mein Tapka hai

KHunaba baham jo tha

raston mein luTaya hai

wo besh ki kam jo tha

nai ranj-e-shikast-e-dil

nai jaan ka andesha

kuchh ahl-e-riya bhi to

hamrah hamare the

rahraw the ki rahzan the

jo rup bhi dhaare the kuchh sahl-talab bhi the

wo bhi hamein pyare the

apne the ki begane

hum KHush the ki sare the

sau zaKHm the nas nas mein

ghayal the rag-o-resha

jo jism ka indhan tha

gulnar kiya hum ne

wo zahr ki amrit tha

ji bhar ke piya hum ne

sau zaKHm ubhar aae

jab dil ko siya hum ne

kya kya na mohabbat ki

kya kya na jiya hum ne

lo kuch kiya ghar se

lo jog liya hum ne

jo kuchh tha diya hum ne

aur dil se kaha hum ne

rukna nahin darwesha

yun hai ki safar apna

tha KHwab na afsana

aankhon mein abhi tak hai

farda ka pari-KHana

sad-shukr salamat hai

pindar-e-faqirana

is shahr-e-KHamoshi mein

phir nara-e-mastana

ai himmat-e-mardana

sad-KHara-o-yak-tesha

ai ishq-e-junun-pesha

ai ishq-e-junun-pesha