ai KHuda

ye ġham nahīñ ki ġham-e-bandagī muqaddar hai

ġham ḳhudā.ī se kuchh kam hai aur kamtar hai

akelā maiñ bhī huuñ tū bhī akelā hai ai ḳhudā

na koī saanī hai terā na koī ham-sar hai

ġham-e-hayāt ġham-e-jānāñ aur ġham-e-daurāñ

ye kā.enāt kā ġham in sabhoñ se baḌh kar hai

jo ġham sivā ho to tū kyā kare hai mere ḳhudā

yahāñ to ashk fashāñ momin aur kāfar hai

batā ki tū bhī ḳhudā rakhtā hai koī apnā

yahāñ to hai ye sukūñ tū ḳhudā-e-bartar hai

ye gham nahin ki gham-e-bandagi muqaddar hai

gham KHudai se kuchh kam hai aur kamtar hai

akela main bhi hun tu bhi akela hai ai KHuda

na koi sani hai tera na koi ham-sar hai

gham-e-hayat gham-e-jaanan aur gham-e-dauran

ye kaenat ka gham in sabhon se baDh kar hai

jo gham siwa ho to tu kya kare hai mere KHuda

yahan to ashk fashan momin aur kafar hai

bata ki tu bhi KHuda rakhta hai koi apna

yahan to hai ye sukun tu KHuda-e-bartar hai