ai meri jaan meri aankhon ki raushni sun to

ai merī jaañ mirī āñkhoñ kī raushnī sun to

jo zaḳhm tū ne diye maiñ ne gul banā Daale

mahak rahe haiñ vahī sher ban ke sāñsoñ meñ

tire laboñ ne ka.ī giit mujh ko baḳhshe haiñ

tire hī jism kā jaadū jagā hai nazmoñ meñ

ai merī jaañ mirī ġhazloñ kī naġhmagī sun to

tū aaj bhī mire hamrāh ham-navā hai mirī

tire hī naam pe dil ab talak dhaḌaktā hai

maiñ tujh ko bhuul gayā ye ḳhayāl hai terā

ye soch hai tirī be-ma.anī be sabab sun to

ai merī jaañ mirī ġhazloñ kī tāzgī sun to

ai meri jaan meri aankhon ki raushni sun to

jo zaKHm tu ne diye main ne gul bana Dale

mahak rahe hain wahi sher ban ke sanson mein

tere labon ne kai git mujh ko baKHshe hain

tere hi jism ka jadu jaga hai nazmon mein

ai meri jaan meri ghazlon ki naghmagi sun to

tu aaj bhi mere hamrah ham-nawa hai meri

tere hi nam pe dil ab talak dhaDakta hai

main tujh ko bhul gaya ye KHayal hai tera

ye soch hai teri be-mani be sabab sun to

ai meri jaan meri ghazlon ki tazgi sun to