ain-mumkin hai

'ain-mumkin hai Duub jaa.eñ ham

ham jo kachche makāñ ke baasī haiñ

dasht-e-be-āsmāñ ke baasī haiñ

ham jo dāman meñ kuchh nahīñ rakhte

bebasī aur be-kasī ke sivā

apne āñgan meñ kuchh nahīñ rakhte

saḳhtī-e-'umr-o-muflisī ke sivā

ham ki vo dard-āshnā jin par

'umr-bhar vaqt mehrbāñ na huā

aaj tak baḳht mehrbāñ na huā

ham jinheñ ziist ke gulistāñ se

rāhatoñ kī havā nahīñ aa.ī

ham jinheñ kūcha-hā-e-yārāñ se

hamdamī kī sadā nahīñ aa.ī

ham jinheñ ulfatoñ ke raste meñ

apnī hī sādgī ne luuTā hai

har na.ī dostī ne luuTā hai

ham jinheñ zindagī kā paas to hai

par jinheñ zindagī se pyaar nahīñ

ham jo har lahza muskurāte haiñ

par jinheñ ek pal qarār nahīñ

ab tire ḳhvāb ko vafā karne

sū-e-sāhil chale to haiñ lekin

'ain-mumkin hai Duub jaa.eñ ham

'ain-mumkin hai Dub jaen hum

hum jo kachche makan ke basi hain

dasht-e-be-asman ke basi hain

hum jo daman mein kuchh nahin rakhte

bebasi aur be-kasi ke siwa

apne aangan mein kuchh nahin rakhte

saKHti-e-'umr-o-muflisi ke siwa

hum ki wo dard-ashna jin par

'umr-bhar waqt mehrban na hua

aaj tak baKHt mehrban na hua

hum jinhen zist ke gulistan se

rahaton ki hawa nahin aai

hum jinhen kucha-ha-e-yaran se

hamdami ki sada nahin aai

hum jinhen ulfaton ke raste mein

apni hi sadgi ne luTa hai

har nai dosti ne luTa hai

hum jinhen zindagi ka pas to hai

par jinhen zindagi se pyar nahin

hum jo har lahza muskuraate hain

par jinhen ek pal qarar nahin

ab tere KHwab ko wafa karne

su-e-sahil chale to hain lekin

'ain-mumkin hai Dub jaen hum