ainak ki qabr

apnī bīnā.ī khotī āñkhoñ se

kamre meñ bikhrī parchhā.īñ ko

dekh kar maiñ ne kahā

maiñ tanhā nahīñ huuñ

apnī ham-jolī ainak ke saath

sair kartī huuñ

dūr-darāz ilāqoñ tak

ghuum aatī huuñ

tārīḳh ke tah-ḳhānoñ meñ

aur

falsafī ke zehnoñ

ke raaz

jaan letī huuñ

kabhī sharmā kar simaT jaatī haiñ

yādoñ kī parchhā.iyāñ

tab maiñ DhūñDtī huuñ

ham-jolī ainak ko

jo satātī hai bār-bār

oT meñ ho kar

miltī nahīñ

DhūñDe se bhī

maiñ ghabrā jaatī huuñ

apne adhūre-pan se

vo phir muskurā kar jhāñktī hai

takiye kī oT se

magar aaj ye hādisa huā

jab kho diyā use

to vo mil na sakī

maiñ bhaTaktī rahī

dhundlī āñkhoñ se

saare ghar meñ

bartanoñ kī almāriyoñ

aur kapḌoñ kī darāzoñ meñ

dhuup chhāñv aur bistaraoñ meñ

kahīñ bhī nahīñ thī vo

be-chārī sī thak kar baiTh ga.ī maiñ

hurūf ke liye tarastī huī

merī nazreñ majbūr-e-mahz

us ke baġhair

dekh na pā.īñ

merī ainak kī qabr

aur vo kitāboñ kī dabīz tahoñ meñ dafn

hotī ga.ī

apni binai khoti aankhon se

kamre mein bikhri parchhain ko

dekh kar main ne kaha

main tanha nahin hun

apni ham-joli ainak ke sath

sair karti hun

dur-daraaz ilaqon tak

ghum aati hun

tariKH ke tah-KHanon mein

aur

falsafi ke zehnon

ke raaz

jaan leti hun

kabhi sharma kar simaT jati hain

yaadon ki parchhaiyan

tab main DhunDti hun

ham-joli ainak ko

jo satati hai bar-bar

oT mein ho kar

milti nahin

DhunDe se bhi

main ghabra jati hun

apne adhure-pan se

wo phir muskura kar jhankti hai

takiye ki oT se

magar aaj ye hadisa hua

jab kho diya use

to wo mil na saki

main bhaTakti rahi

dhundli aankhon se

sare ghar mein

bartanon ki almariyon

aur kapDon ki daraazon mein

dhup chhanw aur bistaraon mein

kahin bhi nahin thi wo

be-chaari si thak kar baiTh gai main

huruf ke liye tarasti hui

meri nazren majbur-e-mahz

us ke baghair

dekh na pain

meri ainak ki qabr

aur wo kitabon ki dabiz tahon mein dafn

hoti gai