عجب سا ایک قصہ
مری آنکھوں کا ہر منظر
اداسی کا دریدہ پیرہن ہے
شہر کی گلیاں
خموشی کا کفن پہنے پڑی ہیں
چاندنی جیسے
کس کی آنکھ کا یرقان ہو
اور دور تک پھیلی چھتوں پر
لیٹنے والوں کے چہروں پر برستا ہو
چھتوں پر لیٹنے والوں کے چہرے زرد ہیں
ٹھنڈی ہوا کے ایک جھونکے کو ترستے ہیں
ادھر باہر بہت آہستگی سے خوف کی چادر
کسی نادیدہ طاقت نے درختوں پر بھی پھیلا دی
اداسی سے تراشیدہ درختوں کی ہر اک خواہش
کسی بارش کے قطرے میں مقید ہے
جو گرتا ہے نہ مٹتا ہے
اگر ہوتا مرے بس میں
تو میں بارش کا قطرہ بن کے گرتا
ہوا کا سرد جھونکا بن کے
ہر گھر میں اترتا
اور ان ویران آنکھوں کو
اداسی سے تراشیدہ درختوں کو خوشی دیتا
مگر میں خود اسی منظر کا حصہ ہوں
عجب سا ایک قصہ ہوں
- کتاب : Muntakhab Shahkar Nazmon Ka Album) (Pg. 462)
- Author : Munavvar Jameel
- مطبع : Haji Haneef Printer Lahore (2000)
- اشاعت : 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
