ajab sa ek qissa

mirī āñkhoñ kā har manzar

udāsī kā darīda pairahan hai

shahr kī galiyāñ

ḳhamoshī kā kafan pahne paḌī haiñ

chāñdnī jaise

kis kī aañkh kā yarqān ho

aur duur tak phailī chhatoñ par

leTne vāloñ ke chehroñ par barastā ho

chhatoñ par leTne vāloñ ke chehre zard haiñ

ThanDī havā ke ek jhoñke ko taraste haiñ

udhar bāhar bahut āhistagī se ḳhauf kī chādar

kisī nādīda tāqat ne daraḳhtoñ par bhī phailā dī

udāsī se tarāshīda daraḳhtoñ kī har ik ḳhvāhish

kisī bārish ke qatre meñ muqayyad hai

jo girtā hai na miTtā hai

agar hotā mire bas meñ

to maiñ bārish kā qatra ban ke girtā

havā kā sard jhoñkā ban ke

har ghar meñ utartā

aur un vīrān āñkhoñ ko

udāsī se tarāshīda daraḳhtoñ ko ḳhushī detā

magar meñ ḳhud usī manzar kā hissa huuñ

ajab sā ek qissa huuñ

meri aankhon ka har manzar

udasi ka darida pairahan hai

shahr ki galiyan

KHamoshi ka kafan pahne paDi hain

chandni jaise

kis ki aankh ka yarqan ho

aur dur tak phaili chhaton par

leTne walon ke chehron par barasta ho

chhaton par leTne walon ke chehre zard hain

ThanDi hawa ke ek jhonke ko taraste hain

udhar bahar bahut aahistagi se KHauf ki chadar

kisi nadida taqat ne daraKHton par bhi phaila di

udasi se tarashida daraKHton ki har ek KHwahish

kisi barish ke qatre mein muqayyad hai

jo girta hai na miTta hai

agar hota mere bas mein

to main barish ka qatra ban ke girta

hawa ka sard jhonka ban ke

har ghar mein utarta

aur un viran aankhon ko

udasi se tarashida daraKHton ko KHushi deta

magar mein KHud usi manzar ka hissa hun

ajab sa ek qissa hun