ajib hai ye silsila

ajiib hai ye silsila

ye silsila ajiib hai

havā chale to ketiyoñ meñ dhuum chahchahoñ kī hai

havā ruke to murdanī hai

murdanī kī raakh kā nuzūl hai

kahāñ hai tū kahāñ hai tū

kahāñ nahīñ hai tū batā

abhī thā tere girte uḌte āñchaloñ kā silsila

aur ab ufuq par duur tak

ga.e dinoñ kī dhuul hai

ga.e dinoñ kī dhuul kā ye silsila fuzūl hai

maiñ ro sakūñ

to kyā ye gadlī kā.enāt dhul sakegī

mere āñsuoñ ke jhaag se

maiñ muskurā sakūñ

to kyā safar kī ḳhastagī ko bhuul kar ye kārvāñ nujūm ke

baras paḌeñge motiye ke phuul ban ke

is muhīb kāsa-e-hayāt meñ

na tū sune na maiñ kahūñ

na mere añg añg se sadā uThe

yuuñ hī maiñ āñsuoñ ko qahqahoñ ko

apne dil meñ dafan kar ke

gum

laboñ pe sil dhare

tire nagar meñ pā-piyāda pā-barahna

shaam ke fishār tak ravāñ rahūñ

magar kabhī

tirī nazar ke āstāñ ko

paar tak na kar sakūñ

ki tū azal se tā-abad

hazār sad hazār aañkh vaale vaqt

kī naqīb hai

ye silsila ajiib hai

ye silsila ajiib hai

ajib hai ye silsila

ye silsila ajib hai

hawa chale to ketiyon mein dhum chahchahon ki hai

hawa ruke to murdani hai

murdani ki rakh ka nuzul hai

kahan hai tu kahan hai tu

kahan nahin hai tu bata

abhi tha tere girte uDte aanchalon ka silsila

aur ab ufuq par dur tak

gae dinon ki dhul hai

gae dinon ki dhul ka ye silsila fuzul hai

main ro sakun

to kya ye gadli kaenat dhul sakegi

mere aansuon ke jhag se

main muskura sakun

to kya safar ki KHastagi ko bhul kar ye karwan nujum ke

baras paDenge motiye ke phul ban ke

is muhib kasa-e-hayat mein

na tu sune na main kahun

na mere ang ang se sada uThe

yun hi main aansuon ko qahqahon ko

apne dil mein dafan kar ke

gum

labon pe sil dhare

tere nagar mein pa-piyaada pa-barahna

sham ke fishaar tak rawan rahun

magar kabhi

teri nazar ke aastan ko

par tak na kar sakun

ki tu azal se ta-abad

hazar sad hazar aankh wale waqt

ki naqib hai

ye silsila ajib hai

ye silsila ajib hai