ajnabi KHat-o-Khaal

ye kis ne mirī nazar ko luuTā

har chiiz kā husn chhin gayā hai

har shai ke haiñ ajnabī ḳhat-o-ḳhāl

baḌhte chale jā rahe haiñ har samt

mauhūm sī be-ruḳhī ke saa.e

kuchh is tarah ho rahā hai mahsūs

jaise kisī shai kā naqshm-e-mānūs

aa aa ke qarīb lauT jaa.e

begāna huuñ apne aap se maiñ

aur tū bhī hai duur duur mujh se

kuchh aise bikhar bikhar ga.e

jalvoñ ke sameTne ko goyā

āñkhoñ meñ sakat nahīñ rahī hai

kyā tū ne koī naqāb ulTā

yā aaj koī tilism TūTā!

ye kis ne mirī nazar ko luuTā

har shai ke haiñ ajnabī ḳhat-o-ḳhāl

ye kis ne meri nazar ko luTa

har chiz ka husn chhin gaya hai

har shai ke hain ajnabi KHat-o-KHal

baDhte chale ja rahe hain har samt

mauhum si be-ruKHi ke sae

kuchh is tarah ho raha hai mahsus

jaise kisi shai ka naqshm-e-manus

aa aa ke qarib lauT jae

begana hun apne aap se main

aur tu bhi hai dur dur mujh se

kuchh aise bikhar bikhar gae

jalwon ke sameTne ko goya

aankhon mein sakat nahin rahi hai

kya tu ne koi naqab ulTa

ya aaj koi tilism TuTa!

ye kis ne meri nazar ko luTa

har shai ke hain ajnabi KHat-o-KHal