ajnabi shahar

vo peḌ ab kaT gayā hai

jis ke tale javānī ke garm lamhoñ ko ThanDe saa.e mile

jo ik moḌ kā nishāñ thā

jahāñ se ham ik na.ī jihat ko chale the

ab vo nishān bhī miT gayā

vahāñ koltār kī ik saḌak hai

jo garmiyoñ meñ pighlī huī sī rahtī hai

aadmī bhī pighal rahā hai

vahāñ par ab motoroñ kā dariyā sā bah rahā hai

aur un ke pīchhe dhueñ ke parde paḌe haiñ

koī na un ko pahchān paa.e

ik shor hornoñ kā bapā hai

koī na sun sake chahchahe parindoñ ke

abtarī hai

magar maiñ ik chaap sun rahā huuñ

vo chaap jaise koī bahut duur jā chukā hai

wo peD ab kaT gaya hai

jis ke tale jawani ke garm lamhon ko ThanDe sae mile

jo ek moD ka nishan tha

jahan se hum ek nai jihat ko chale the

ab wo nishan bhi miT gaya

wahan koltar ki ek saDak hai

jo garmiyon mein pighli hui si rahti hai

aadmi bhi pighal raha hai

wahan par ab motoron ka dariya sa bah raha hai

aur un ke pichhe dhuen ke parde paDe hain

koi na un ko pahchan pae

ek shor hornon ka bapa hai

koi na sun sake chahchahe parindon ke

abtari hai

magar main ek chap sun raha hun

wo chap jaise koi bahut dur ja chuka hai