ajnabi wadiyon mein

ai ḳhushā-azm parvāz kā ye safar

jhilmilā.ī jahān-e-digar kī sahar

vā huī aadmī par na.ī rahguzar

raqs kar zindagī zindagī raqs kar

ye mazāq-e-talab ye shu.ūr-e-junūñ

sa.ī-e-fikr-o-nazar kā anokhā fusūñ

kar gayā baḳht-e-ādam ko tābinda-tar

raqs kar zindagī zindagī raqs kar

taaj azmat kā dhartī ko pahnā diyā

shauq ko ik hasīñ isti.āra diyā

justujū ne banāyā nayā mustaqar

raqs kar zindagī zindagī raqs kar

zauq-e-betāb ko sho.ala-sāmāñ kiyā

ik na.ī anjuman meñ charāġhāñ kiyā

ajnabī vādiyoñ meñ bajāyā gajar

raqs kar zindagī zindagī raqs kar

kār-e-parvāz hai bāzū-e-irtiqā

de rahā hai ḳhalāoñ se koī sadā

āzmāo tavānā.ī-e-bāl-o-par

raqs kar zindagī zindagī raqs kar

aadmī apnī duniyā kā muḳhtār hai

aadmī apne fardā kā me.amār hai

aadmī ḳhud-nigar aadmī dīda-var

raqs kar zindagī zindagī raqs kar

aadmī ho gayā faḳhr-e-kaun-o-makāñ

ho ga.ī ishq kī har nazar jāvedāñ

ho ga.ī husn kī har adā mo'atabar

raqs kar zindagī zindagī raqs kar

vaqt ke lab pe hai naġhma-e-sarmadī

daur-e-hāzir kā in.aam hai ye sadī

qalb-e-tārīḳh dhaḌkā ba-tarz-e-digar

raqs kar zindagī zindagī raqs kar

ai KHusha-azm parwaz ka ye safar

jhilmilai jahan-e-digar ki sahar

wa hui aadmi par nai rahguzar

raqs kar zindagi zindagi raqs kar

ye mazaq-e-talab ye shuur-e-junun

sai-e-fikr-o-nazar ka anokha fusun

kar gaya baKHt-e-adam ko tabinda-tar

raqs kar zindagi zindagi raqs kar

taj azmat ka dharti ko pahna diya

shauq ko ek hasin istiara diya

justuju ne banaya naya mustaqar

raqs kar zindagi zindagi raqs kar

zauq-e-betab ko shoala-saman kiya

ek nai anjuman mein charaghan kiya

ajnabi wadiyon mein bajaya gajar

raqs kar zindagi zindagi raqs kar

kar-e-parwaz hai bazu-e-irtiqa

de raha hai KHalaon se koi sada

aazmao tawanai-e-baal-o-par

raqs kar zindagi zindagi raqs kar

aadmi apni duniya ka muKHtar hai

aadmi apne farda ka meamar hai

aadmi KHud-nigar aadmi dida-war

raqs kar zindagi zindagi raqs kar

aadmi ho gaya faKHr-e-kaun-o-makan

ho gai ishq ki har nazar jawedan

ho gai husn ki har ada mo'atabar

raqs kar zindagi zindagi raqs kar

waqt ke lab pe hai naghma-e-sarmadi

daur-e-hazir ka inam hai ye sadi

qalb-e-tariKH dhaDka ba-tarz-e-digar

raqs kar zindagi zindagi raqs kar