akaD shah aur mah-e-ramzan

akaḌ shaah behad pareshān thā

ki ab jā rahā māh-e-shābān thā

bil-āḳhir huā ḳhatm shābān bhī

aur aayā mahīnoñ kā sultān bhī

lagā karne fauran vo tayyāriyāñ

vo le aayā khajlā bhī aur pheniyāñ

akaḌ shaah ne jam jam ke kiiñ sehriyāñ

talāfī ko phir kar liiñ iftāriyāñ

ye roze lage us ko bhārī baḌe

mashāġhil sabhī tark karne paḌe

kahā sab se mujh ko baḌe kaam haiñ

ibādat riyāzat ke ayyām haiñ

bil-āḳhir rakhe us ne roze sabhī

dikhā chāñd phir aa ga.ī iid bhī

to aam aur chashmoñ se vāqif the jo

diyā fitra sab ne akaḌ shaah ko

khilī us ke dil meñ ḳhushī kī kalī

vo samjhā use us kī eidī milī

namāz us ne phir iid kī kī adā

sunī bhāñjoñ kī phir us ne sadā

akaḌ māmūñ eidī hamārī kahāñ

akaḌ shaah ko thā na is kā gumāñ

kisī ko nahīñ dī thī eidī kabhī

magar bachche chaḌh dauḌe ab ke sabhī

mile us ko fitre meñ jo chaar sau

har ik ko diye chār-o-nā-chār sau

'usāma' se qisse akaḌ shaah ke

na jāoge sun kar binā vaah ke

akaD shah behad pareshan tha

ki ab ja raha mah-e-shaban tha

bil-aKHir hua KHatm shaban bhi

aur aaya mahinon ka sultan bhi

laga karne fauran wo tayyariyan

wo le aaya khajla bhi aur pheniyan

akaD shah ne jam jam ke kin sehriyan

talafi ko phir kar lin iftariyan

ye roze lage us ko bhaari baDe

mashaghil sabhi tark karne paDe

kaha sab se mujh ko baDe kaam hain

ibaadat riyazat ke ayyam hain

bil-aKHir rakhe us ne roze sabhi

dikha chand phir aa gai id bhi

to aam aur chashmon se waqif the jo

diya fitra sab ne akaD shah ko

khili us ke dil mein KHushi ki kali

wo samjha use us ki eidi mili

namaz us ne phir id ki ki ada

suni bhanjon ki phir us ne sada

akaD mamun eidi hamari kahan

akaD shah ko tha na is ka guman

kisi ko nahin di thi eidi kabhi

magar bachche chaDh dauDe ab ke sabhi

mile us ko fitre mein jo chaar sau

har ek ko diye chaar-o-na-chaar sau

'usama' se qisse akaD shah ke

na jaoge sun kar bina wah ke