aKHroT ka peD aur ek nadan

nādāñ koī ik roz jo jañgal meñ gayā

aḳhroT ke bāġhāt kā manzar dekhā

hai kitnā baḌā peḌ to phal chhoTā sā

ye soch ke vo aur bhī hairān huā

is itne baḌe peḌ pe nanhā sā phal

tarbūz yahāñ hotā to kyā achchhā thā

tarbūz ko dekho to zarā sī hai bel

qudrat ne dikhā.e haiñ tamāshe kyā kyā

tarbūz kahāñ aur kahāñ ye aḳhroT

kyā bhed hai merī na samajh meñ aayā

is soch meñ thā ki ik havā kā jhakkaḌ

āñdhī sā bagūlā sā biphar kar uTThā

jañgal ke daraḳhtoñ ko hilā kar us ne

aḳhroT ko nādān ke sar par pheñkā

sar par paḌā aḳhroT to chīḳhā nādān

tarbūz jo hotā to maiñ mar hī jaatā

hikmat se koī kaam nahīñ hai ḳhālī

jis ko bhī jahāñ tū ne kiyā hai paidā

us kī jagah us ne nahīñ behtar koī

ab raaz ye merī bhī samajh meñ aayā

nadan koi ek roz jo jangal mein gaya

aKHroT ke baghat ka manzar dekha

hai kitna baDa peD to phal chhoTa sa

ye soch ke wo aur bhi hairan hua

is itne baDe peD pe nanha sa phal

tarbuz yahan hota to kya achchha tha

tarbuz ko dekho to zara si hai bel

qudrat ne dikhae hain tamashe kya kya

tarbuz kahan aur kahan ye aKHroT

kya bhed hai meri na samajh mein aaya

is soch mein tha ki ek hawa ka jhakkaD

aandhi sa bagula sa biphar kar uTTha

jangal ke daraKHton ko hila kar us ne

aKHroT ko nadan ke sar par phenka

sar par paDa aKHroT to chiKHa nadan

tarbuz jo hota to main mar hi jata

hikmat se koi kaam nahin hai KHali

jis ko bhi jahan tu ne kiya hai paida

us ki jagah us ne nahin behtar koi

ab raaz ye meri bhi samajh mein aaya