al zaimar
lafz bhuul jaatā huuñ
baat kah nahīñ paatā
motiyoñ se paanī par
aks to banātā huuñ
kuchh maiñ yaad rakhtā huuñ
kuchh maiñ bhuul jaatā huuñ
raushnī ko taktā huuñ
thoḌī der chaltā huuñ
dil meñ baat jo bhī hai
tum se kah nahīñ paatā
lafz bhuul jaatā huuñ
phir ye soch aatī hai
dil kī baat karne ko
lafz kyoñ zarūrī haiñ
jo bhī tum ko paḌhnā hai
sab likhā hai āñkhoñ meñ
ho sake to paḌh lenā
paḌh agar na paao to
ḳhud se hī banā lenā
phir zarā sañbhaltā huuñ
ik chhaḌī pakaḌtā huuñ
khiḌkiyoñ ke panne par
ik shabīh banātā huuñ
kuchh maiñ yaad rakhtā huuñ
kuchh maiñ bhuul jaatā huuñ
an-kahī sī bātoñ meñ
silsile purāne haiñ
kaise kaise chehre haiñ
kaise dostāne haiñ
zindagī zarā sī hai
muḳhtasar fasāne haiñ
raakh dil kuredeñ to
dafn kitnī yādeñ haiñ
kaise kaise chehre haiñ
qīmtī ḳhazāne haiñ
lafz bhul jata hun
baat kah nahin pata
motiyon se pani par
aks to banata hun
kuchh main yaad rakhta hun
kuchh main bhul jata hun
raushni ko takta hun
thoDi der chalta hun
dil mein baat jo bhi hai
tum se kah nahin pata
lafz bhul jata hun
phir ye soch aati hai
dil ki baat karne ko
lafz kyon zaruri hain
jo bhi tum ko paDhna hai
sab likha hai aankhon mein
ho sake to paDh lena
paDh agar na pao to
KHud se hi bana lena
phir zara sanbhalta hun
ek chhaDi pakaDta hun
khiDkiyon ke panne par
ek shabih banata hun
kuchh main yaad rakhta hun
kuchh main bhul jata hun
an-kahi si baaton mein
silsile purane hain
kaise kaise chehre hain
kaise dostane hain
zindagi zara si hai
muKHtasar fasane hain
rakh dil kureden to
dafn kitni yaaden hain
kaise kaise chehre hain
qimti KHazane hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
