alamat ke pas-manzar mein

be-qarār

phañs ga.ī maazī ke tah-ḳhāne meñ

mustaqbil kī Taañg

nabz-e-daurāñ

niim ke saa.e tale baiThī rahī

aur phir

qalb-e-muztar meñ kukurmutte uge

chashm-e-fitrat kā

churā kar le gayā kājal koī

kankhjūre saañs se chipke hue

ghūrte haiñ marmarīñ idrāk ko

khet meñ leTī hai dīvāne kī ruuh

kuud jaao āñsuoñ kī jhiil meñ

aaj dhurpad gā rahī hai chāñdnī

ik sitārā dūsre par gir paḌā

falsafī ke ghar meñ tilcahiTTe bhaTakte rah ga.e

ghus gayā bhus aañkh meñ ākāsh kī

niiñd āñtoñ ko

chabātī jaa.e hai

phephaḌoñ meñ fuzla-e-ehsās hai

mahv-e-ḳhirām

raushnī ko ko.ele kī kaan se fursat kahāñ

dosto aao

lañgoTī bāñdh leñ

be-qarar

phans gai mazi ke tah-KHane mein

mustaqbil ki Tang

nabz-e-dauran

nim ke sae tale baiThi rahi

aur phir

qalb-e-muztar mein kukurmutte uge

chashm-e-fitrat ka

chura kar le gaya kajal koi

kankhjure sans se chipke hue

ghurte hain marmarin idrak ko

khet mein leTi hai diwane ki ruh

kud jao aansuon ki jhil mein

aaj dhurpad ga rahi hai chandni

ek sitara dusre par gir paDa

falsafi ke ghar mein tilcahiTTe bhaTakte rah gae

ghus gaya bhus aankh mein aakash ki

nind aanton ko

chabaati jae hai

phephaDon mein fuzla-e-ehsas hai

mahw-e-KHiram

raushni ko koele ki kan se fursat kahan

dosto aao

langoTi bandh len