alaw

charāġh imroz bujh rahā hai

dhueñ kī maujeñ ubhar rahī haiñ

shab-e-siyah muntazir khaḌī hai

añdherā chup-chāp chhā rahā hai

abhī hamāre gharoñ ke andar

sulag uTheñge alaav apne hī jism īñdhan kā kaam deñge

gharoñ se bāhar

shajar pe ullū kī sard chīḳheñ

hañsnegī ham par

ki naġhmagī koī shai nahīñ hai

ki zindagī koī shai nahīñ hai

khañDar kī jānib nazar uThāo

ye duur se kitnā ḳhūbsūrat dikhā.ī detā hai paas jaao

to maut kī ek dāstāñ hai

jamāl-e-shab vāhima hai ai dil

hamārī bastī meñ rahne vaale

purāne mai-ḳhvār vāqif-e-dard-o-ġham nahīñ haiñ

hamīñ haiñ donoñ

ye maiñ ye tū ham jaleñge shab-bhar

charagh imroz bujh raha hai

dhuen ki maujen ubhar rahi hain

shab-e-siyah muntazir khaDi hai

andhera chup-chap chha raha hai

abhi hamare gharon ke andar

sulag uThenge alaw apne hi jism indhan ka kaam denge

gharon se bahar

shajar pe ullu ki sard chiKHen

hansnegi hum par

ki naghmagi koi shai nahin hai

ki zindagi koi shai nahin hai

khanDar ki jaanib nazar uThao

ye dur se kitna KHubsurat dikhai deta hai pas jao

to maut ki ek dastan hai

jamal-e-shab wahima hai ai dil

hamari basti mein rahne wale

purane mai-KHwar waqif-e-dard-o-gham nahin hain

hamin hain donon

ye main ye tu hum jalenge shab-bhar