alamiya

merī shorish judā āñkhoñ ne mujh se yuuñ kahā kal shab

ye dhīmī aañch kā jalnā tujhe dīvāna kar degā

maiñ kyā kartā kahāñ jaatā

ki haa.il thā mire siine meñ ik mahbūs sannāTā

ta.ayyun kaun kartā ham kahāñ par ḳhema-zan haiñ

musallat hai saroñ par kaun sā manhūs saayā

aur aise meñ talātum roz-o-shab terī lagan kā

jaan levā hai

baḌe hī jāñ-gusil haiñ terī chāhat ke sanam-ḳhāne

mohabbat ḳhūn-e-dil kyoñ hai

tamannā soz-e-jāñ kyoñ hai

rafīqān-e-safar itnā batānā

aarzū ek alamiya kyoñ hai

meri shorish juda aankhon ne mujh se yun kaha kal shab

ye dhimi aanch ka jalna tujhe diwana kar dega

main kya karta kahan jata

ki hail tha mere sine mein ek mahbus sannaTa

tayyun kaun karta hum kahan par KHema-zan hain

musallat hai saron par kaun sa manhus saya

aur aise mein talatum roz-o-shab teri lagan ka

jaan lewa hai

baDe hi jaan-gusil hain teri chahat ke sanam-KHane

mohabbat KHun-e-dil kyon hai

tamanna soz-e-jaan kyon hai

rafiqan-e-safar itna batana

aarzu ek alamiya kyon hai