alamiya

kahāñ ab kahāñ vo havā

jo sunahrī sī alhaḌ sī pagDanDiyoñ par

mire pīchhe pīchhe chalī maiñ ne jis se kahā

yuuñ na aa dekh legā koī

vo hañsī zahr meñ Duube hoñToñ ne mujh se kahā

tū yuuñ hī Dar gayā

maiñ havā

duur parbat pe merā nagar

ūñche ākāsh par merā ghar

zard pagDanDiyoñ se mujhe vāste

aur maiñ baḌhtā gayā

ūñchā uThtā gayā

duur parbat pahuñchā to gūñgā nagar

mujh ko hairat se takne lagā

sone ākāsh se

TuuTe kañgan kī kircheñ barasne lagīñ

nīche pagDanDiyoñ par bhī koī na thā

kahan ab kahan wo hawa

jo sunahri si alhaD si pagDanDiyon par

mere pichhe pichhe chali main ne jis se kaha

yun na aa dekh lega koi

wo hansi zahr mein Dube honTon ne mujh se kaha

tu yun hi Dar gaya

main hawa

dur parbat pe mera nagar

unche aakash par mera ghar

zard pagDanDiyon se mujhe waste

aur main baDhta gaya

uncha uThta gaya

dur parbat pahuncha to gunga nagar

mujh ko hairat se takne laga

sone aakash se

TuTe kangan ki kirchen barasne lagin

niche pagDanDiyon par bhi koi na tha