alfaz ka alamiya

maiñ apne dil kā kashkol-e-tahī le kar

na jaane kitnī sadiyoñ se

bhaTaktā phir rahā huuñ DhūñDhtā

har ik qarya har ik gaañv har ik ābādī vīrāna

har ik kūcha har ik gosha

mohabbat āfiyat iḳhlās hamdardī vafā

muravvat dostī aur āshtī amn-o-sukūñ

har ik dar pe sadā dī hai

har ik dar se javāb aayā

mohabbat āfiyat iḳhlās hamdardī vafā

muravvat dostī aur āshtī amn-o-sukūñ

ye sab tum kah rahe kyā ho

ye sab chīzeñ haiñ kyā

ye tum kis des kī karne lage bāteñ

ye sab kuchh aaj pahlī baar hī ham sun rahe haiñ haañ

koī alfāz bhī haiñ ye

koī mafhūm hai in kā

main apne dil ka kashkol-e-tahi le kar

na jaane kitni sadiyon se

bhaTakta phir raha hun DhunDhta

har ek qarya har ek ganw har ek aabaadi virana

har ek kucha har ek gosha

mohabbat aafiyat iKHlas hamdardi wafa

murawwat dosti aur aashti amn-o-sukun

har ek dar pe sada di hai

har ek dar se jawab aaya

mohabbat aafiyat iKHlas hamdardi wafa

murawwat dosti aur aashti amn-o-sukun

ye sab tum kah rahe kya ho

ye sab chizen hain kya

ye tum kis des ki karne lage baaten

ye sab kuchh aaj pahli bar hi hum sun rahe hain han

koi alfaz bhi hain ye

koi mafhum hai in ka