ایک تہذیب مشترک کا امیں
فکر و فن کی لطافتوں کا شعور
جذب دل کا مزاج داں فن کار
روح احساس گرمئ رفتار
پردۂ ساز حرف موسیقی
تند راگوں کا ناچتا شعلہ
نرم گیتوں کی اجنبی خوشبو
وقت کی لہر لہر کا مدرک
جاگتے موسموں کا آئینہ
اپنے لمحات عصر کی تفسیر
یعنی رنج و نشاط کی تصویر
زندگی کا جمال شعلہ صفت
بادۂ آگہی سے مست و الست
بزم انسانیت کا ایک چراغ
فلسفی کی نگاہ با مقصد
آرزوؤں کا دل نشیں عنواں
ایک مجموعہ علم و دانش کا
ایک صوفی مزاج اہل سخن
دولت نغمہ ایک موسیقار
یعنی خسروؔ وہ شعر کا معیار
جس کی فکروں سے روح ہو بیدار
وقت کی سرحدیں پھلانگ کے آج
ہم میں پھر آ گیا ہے وہ فن کار
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
