ammi abbu chhoTe the

jab ammī abbū chhoTe the

kyā ham jaise hī hote the

din raat sharārat karte the

apne abbū se Darte the

jab zid karnā hotī thī unheñ

apnī ammī se karte the

kyā adab baḌoñ kā karte the

jo kahte the vo karte the

paḌhne mushkil se jaate the

kyā rote-dhote aate the

muñh haath vo dho kar khāte the

yā bin dho.e so jaate the

vo shaam ko der se uThte the

kyā kaam schōl kā karte the

kuchh paḌhte the kuchh laḌte the

aañsū se muñh vo dhote the

kyā vo bhī apnī daadī se

har raat kahānī sunte the

kyā vo bhī apne daadā se

vo bāteñ purānī sunte the

vo pyāre nabiyoñ ke qisse

ma.alūm nahīñ bhī hote the

vo saarī duā.eñ un ko bhī

kyā yaad zabānī hotī thiiñ

kyā apnī namāzoñ kī pābandī

vo ham jaisī hī karte the

jab ammī abbū chhoTe the

kyā ham jaise hī hote the

jab ammi abbu chhoTe the

kya hum jaise hi hote the

din raat shararat karte the

apne abbu se Darte the

jab zid karna hoti thi unhen

apni ammi se karte the

kya adab baDon ka karte the

jo kahte the wo karte the

paDhne mushkil se jate the

kya rote-dhote aate the

munh hath wo dho kar khate the

ya bin dhoe so jate the

wo sham ko der se uThte the

kya kaam school ka karte the

kuchh paDhte the kuchh laDte the

aansu se munh wo dhote the

kya wo bhi apni dadi se

har raat kahani sunte the

kya wo bhi apne dada se

wo baaten purani sunte the

wo pyare nabiyon ke qisse

malum nahin bhi hote the

wo sari duaen un ko bhi

kya yaad zabani hoti thin

kya apni namazon ki pabandi

wo hum jaisi hi karte the

jab ammi abbu chhoTe the

kya hum jaise hi hote the