امی ابو چھوٹے تھے

جب امی ابو چھوٹے تھے

کیا ہم جیسے ہی ہوتے تھے

دن رات شرارت کرتے تھے

اپنے ابو سے ڈرتے تھے

جب ضد کرنا ہوتی تھی انہیں

اپنی امی سے کرتے تھے

کیا ادب بڑوں کا کرتے تھے

جو کہتے تھے وہ کرتے تھے

پڑھنے مشکل سے جاتے تھے

کیا روتے دھوتے آتے تھے

منہ ہاتھ وہ دھو کر کھاتے تھے

یا بن دھوئے سو جاتے تھے

وہ شام کو دیر سے اٹھتے تھے

کیا کام اسکول کا کرتے تھے

کچھ پڑھتے تھے کچھ لڑتے تھے

آنسو سے منہ وہ دھوتے تھے

کیا وہ بھی اپنی دادی سے

ہر رات کہانی سنتے تھے

کیا وہ بھی اپنے دادا سے

وہ باتیں پرانی سنتے تھے

وہ پیارے نبیوں کے قصے

معلوم نہیں بھی ہوتے تھے

وہ ساری دعائیں ان کو بھی

کیا یاد زبانی ہوتی تھیں

کیا اپنی نمازوں کی پابندی

وہ ہم جیسی ہی کرتے تھے

جب امی ابو چھوٹے تھے

کیا ہم جیسے ہی ہوتے تھے