امن کا ڈمرو ڈم ڈم ڈم
چین کی ڈھولک ڈھم ڈھم ڈھم
آؤ بجائیں تم اور ہم
جھومیں ناچیں چھم چھم چھم
جب تک اپنے دم میں دم
دیس یہ چمکے چم چم چم
گولی گولا اور نہ بم
آنسو آہ نہ درد و الم
دہشت خوف نہ کوئی غم
خوشیاں برسیں جھم جھم جھم
جھوم کے گائیں رم پم پم
دیس یہ چمکے چم چم چم
گوتم کی تعبیر ہیں ہم
خواجہ کی تفسیر ہیں ہم
نانک کی تصویر ہیں ہم
گاندھی جی کی جاگیر ہیں ہم
ہم سے امن و اماں کا دم
دیس یہ چمکے چم چم چم
سکھ دکھ سب میں ساتھی ہم
بانٹیں خوشیاں بانٹیں غم
کبھی نہ کوئی آنکھ ہو نم
ہم اک اک کے ہیں ہم دم
ہم سے خوشیوں کی جھم جھم
دیس یہ چمکے چم چم چم
ایسا کوئی کام کریں
جگ میں اس کو عام کریں
محنت صبح و شام کریں
دنیا بھر میں نام کریں
اپنا اونچا ہو پرچم
دیس یہ چمکے چم چم چم
مولا تیرا رحم و کرم
اس دھرتی پر ہو ہر دم
رہے ہمیشہ مٹی نم
پھول کھلائے ہر موسم
سانسیں مہکیں چہکے دم
دیس یہ چمکے چم چم چم
ہر چہرے پر پھول کھلے
ہر ماتھے پر چاند اگے
آنکھ میں اک اک دیپ جلے
اک اک لب پر گیت سجے
ڈھل جائے ہر شام غم
دیس یہ چمکے چم چم چم
نفرت کی دیوار گرے
رستے سے بندوق ہٹے
کینہ رنجش بیر مٹے
دہشت کا ہر شور تھمے
رک جائے یہ دھم دھم دھم
دیس یہ چمکے چم چم چم
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
