amn ka suraj

har roz maiñ ye kartā huuñ duā

ai mere ḳhudā ai mere ḳhudā

nafrat ke añdhere miT jaa.eñ

bas prem ujāle muskā.eñ

chhaT jaa.eñ ġhamoñ ke sab bādal

lahrā.e jo ḳhushiyoñ kā āñchal

kuchh fikr na ho kuchh jhuuT na ho

duniyā meñ kahīñ par luuT na ho

har shahr hamārā gulshan ho

hañstā huā har ik āñgan ho

har ghar meñ bachche dhuum kareñ

tasvīr-e-ḳhushī meñ rañg bhareñ

har aañkh meñ ho ulfat kī chamak

har jism meñ ho ulfat kī mahak

duniyā meñ kahīñ par jañg na ho

insāñ pe zamīñ ye tañg na ho

bas amn kā sūraj muskā.e

har samt ujālā phailā.e

har roz main ye karta hun dua

ai mere KHuda ai mere KHuda

nafrat ke andhere miT jaen

bas prem ujale muskaen

chhaT jaen ghamon ke sab baadal

lahrae jo KHushiyon ka aanchal

kuchh fikr na ho kuchh jhuT na ho

duniya mein kahin par luT na ho

har shahr hamara gulshan ho

hansta hua har ek aangan ho

har ghar mein bachche dhum karen

taswir-e-KHushi mein rang bharen

har aankh mein ho ulfat ki chamak

har jism mein ho ulfat ki mahak

duniya mein kahin par jang na ho

insan pe zamin ye tang na ho

bas amn ka suraj muskae

har samt ujala phailae