amrit ki dhaar

amrit kī dhaar le kar gangotarī se utrī

mere vatan meñ aa.ī motī hai sāf-suthrī

phailā huā hai kosoñ chamkīlā paaT terā

lahroñ se kheltā hai har ek ghaaT terā

kyā kyā chamak rahe haiñ zarre tire kināre

dāman meñ tere kis ne Tāñke haiñ ye sitāre

har sub.h tere dam se kāshī sajā huā hai

hai bhīḌ-bhāḌ aisī mela lagā huā hai

rahte haiñ roz jamghaT har ghaaT par savere

ashnān karne vaale aate haiñ muñh añdhere

tujh meñ nahā nahā kar kyā lutf pā rahe haiñ

ġhote lagā rahe haiñ maujeñ uḌā rahe haiñ

khub khub ga.ī hai sab kī nazroñ meñ shaan terī

ghar kar ga.ī hai dil meñ ye ān-bān terī

dil ko lubhā rahī haiñ uTh uTh ke terī lahreñ

khetoñ ko sīñchtī haiñ bal khā ke terī nahreñ

murjhā.ī khetiyoñ ko dānoñ se bhar diyā hai

in motiyoñ se ham ko ḳhush-hāl kar diyā hai

sab se bhalā.ī karnā adnā hai kaam terā

ham jānte haiñ tujh ko gangā hai naam terā

amrit ki dhaar le kar gangotari se utri

mere watan mein aai moti hai saf-suthri

phaila hua hai koson chamkila paT tera

lahron se khelta hai har ek ghaT tera

kya kya chamak rahe hain zarre tere kinare

daman mein tere kis ne Tanke hain ye sitare

har subh tere dam se kashi saja hua hai

hai bhiD-bhaD aisi mela laga hua hai

rahte hain roz jamghaT har ghaT par sawere

ashnan karne wale aate hain munh andhere

tujh mein naha naha kar kya lutf pa rahe hain

ghote laga rahe hain maujen uDa rahe hain

khub khub gai hai sab ki nazron mein shan teri

ghar kar gai hai dil mein ye aan-ban teri

dil ko lubha rahi hain uTh uTh ke teri lahren

kheton ko sinchti hain bal kha ke teri nahren

murjhai khetiyon ko danon se bhar diya hai

in motiyon se hum ko KHush-haal kar diya hai

sab se bhalai karna adna hai kaam tera

hum jaante hain tujh ko ganga hai nam tera