an-chhui katha

maiñ koī ḳhvāb likhūñ kahānī meñ biitī kisī raat kā

kahkashāoñ kī nagrī se guzre hue

raat oḌhe hue ik hasīn saath kā

is gagan kī kathā bhī likhūñ

jis pe nainoñ ke jhilmil diye jagmagā uThe the

jis pe bādal hamārī tarah khilkhilā uThe the

jis pe kohre kī chādar tale chāñd chup-chāp thā

aur kahīñ duur murlī pe bajtā koī saaz thā

vo jo ḳhvāhish sī bahtī huī kāsnī nahr thī

vo jo āñkhoñ se kosoñ pare an-chhūī sehr thī

haañ vahī haañ vahī haañ vahī qahr thī

mujh ko bāñhoñ meñ apne chhupā.e hue

barf kī silvaToñ se sarakte hue

dhuñd oḌhe hue

dūdhiyā raushnī se pare

chāñd kī oT meñ

tere pahlū meñ simTī huī

raat ḳhāmosh thī

maiñ bhī miirā ke jaisī kisī kirshn kī yoginī thī magar

maiñ bhī nirdosh thī

main koi KHwab likhun kahani mein biti kisi raat ka

kahkashaon ki nagri se guzre hue

raat oDhe hue ek hasin sath ka

is gagan ki katha bhi likhun

jis pe nainon ke jhilmil diye jagmaga uThe the

jis pe baadal hamari tarah khilkhila uThe the

jis pe kohre ki chadar tale chand chup-chap tha

aur kahin dur murli pe bajta koi saz tha

wo jo KHwahish si bahti hui kasni nahr thi

wo jo aankhon se koson pare an-chhui sehr thi

han wahi han wahi han wahi qahr thi

mujh ko banhon mein apne chhupae hue

barf ki silwaTon se sarakte hue

dhund oDhe hue

dudhiya raushni se pare

chand ki oT mein

tere pahlu mein simTi hui

raat KHamosh thi

main bhi mera ke jaisi kisi kirshn ki yogini thi magar

main bhi nirdosh thi